E' bagaròzz
U i éra un bagaròzz nir,
un ròzla mérda,
ch'l'andéva a chèsa
travérs cantir;
e l'éra da par léu.
Mo stréda lònga
la passa mèi in déu.
E' vaid una luméga;
e la luméga la i déi:
- Du vét ?
-A vag a chésa
-A fé ché?
-Bò!
- A vénga énca mé?
-Vén pò.
E léu e la luméga
i fa la stéda insén;
mo li l'andéva pién;
ch'u i vléva ch'u 'l sa Dio
e pu a di bén,
andé fina ma chésa.
Alòura e' bagaròzz
e' slònga e' pass
e quand ch'lè un po' che va
l'è da per lèu.
E' vaid un livar d'òr
e che livar u i déi:
- Du vét?
- A vag a chésa.
- A fé ché?
- Bò!
- A vénga énca mé?
- Vén pò.
E léu e che béll livar
i fa la stréda insén;
mo i livar i va fòrt,
cum s'fal andé d'acòrd
chi va cmé sòfi d'vent?
L'à chéurs un pò è galòpp
e quand u n'in pò piò
ch'l'è bèla s-ciòpp,
u 'l manda fèsà a fòtt,
ch'u i vènga un azidènt!
È vaid 'na cavalèta
e la cavalèta le dèi:
- Du vèt?
- A vag a chèsa.
- A fè chè
- Bò!
- A vénga énca mé
- Vén pò.
E léu e la cavalètta
i fa la stèda insèn;
mo li la féva un sélt
e pu la l'aspitèva,
a vléiv che staga bén? Gi sò?
Eòp a du tri bèlz
u n'l'à incuntréda piò.
Mo camèinache te caméina,
ste pòri bagaròzz
l'à fatt la strèda lònga
ch'lè passa mèi in déu
e l'è arivat a chèsa;
mo da par léu.
Tonino Guerra