Rumagna

E dai! Tott quent i l'ha cun la Rumagna,

Ch'e' pè ch'la sia la cheva s'i assassen.

Agli è toti calogni d'birichen

Che l'invigia smardosa la si magna.

Invezi us pò zirè par la campagna

ch'un baia gnanc un can da cuntaden;

Nissò pensa a rubè, tott is vò ben,

I lavoura, i fadigia e i si guadagna.

E mel l'è ch'i va vi di tant in tant

E un s'in sa piò nutizia, tant'è vera

Che e' Segreti um ha cuntè che intant

E' sendich nov d'la Tera e d'Catastruchera

L'ha fatto pruposa d'butè zo e' campsant

Che intigimod is mor tott in galera.

Olindo Guerrini