![](2_file/blank.gif)
L' ANZIANI SIMU ASSAI
Lu ministru a lu tesoro,
chi parràu 'n'televisione,
disse ch ' è nu culabrodo
chista povera nazione.
c'à mu paga li misati
alli vecchj pensionati!
Disse puru ca l'anziani
simu troppo, troppo assai
e l' erariu de lu statu
è vacanti quantu mai!
E' vacanti c'arrobbati
brutti facci d'ammazzati! Bruttu occhjazzi de guleo
e gran figghju de pputtana.
Quantu eppi a corant'anni,
tu li pigghj a na simana:
sparti preghi, chimmu sbampi, eu mu moro e tu mu campi!
Curpa fu de lu scenziatu
chi 'mbentau la medicina,
lu vaccinu, lu surfamidi
e la streptomicina,
ca sinnò, puru pe' tìa,
gnura morte ccà venìa!
Ma guardandu la ttivvù,
o gran testa de sumere,
pari vecchjo puru tu,
catananna ài la mugghjiere.
E mmò, datu chi 'mbecchjasti, comu mai no' ti sparasti?
Non'avisti lu coraggiu
o ti spagni de lu sparu?
Venitinde ccà n'Calabria,
c'è nu ponte a Catanzaru
e no' fai na morte brutta,
si ti jetti testasutta!
| ![](2_file/blank.gif) |
![](2_file/blank.gif)
LE POESIE DI FRANCESCO MAZZE'
|
![](2_file/blank.gif) |
![](2_file/blank.gif)
LU RICATTU
L' atra sira, per errori,
certi latri marfatturi
sequestram la mugghiere
de nu riccu cavalere:
pe' ricattu ci cercau
sei miliardi de dinari!
Lu maritu, pe' risposta,
alli latri, cu la posta,
ci mandàu la decisione,
chi pigghiàu pe' l'estorsione: "De miliardi na vintina
vi spedivi stamatina;
lu de cchiù de differenza, accettati 'n' cumpidenza
e tenitivi l' ostaggiu
ca pe' mìa non è n'oltraggiu:
si mi usati st'attenzione, v'aju spartì abbrigazzione!
Ma na sira (malasorta!)
chi supprisa avìa alla porta!
la mugghiere ci tornàru
e cu tuttu lu dinaru.
A stu mundu è destinatu cui à mu more sportunatu!
| |