Al me Munfrà                                           1977

Da quant ca ie mond e mund a ie semp stat al munfrà; in angul at tera bela at tera da vardà.

Culinni cultivai, ben laurai, ben fresaii culinni da spegiasi culinni da rimirà. A le in dono.... dla natura, certament, ma rendii ancur pu beli a le al travai dla nostra gent.

At cula gent ca nie armaninu pochi e cun lur amma du ochi aie restaii a becà.

Al mond al gira e al và al prugres al vo al so vittimi, al vo che iommi ai siu in nummar per fai travaià andren al so sità.

Ma chi ca la pruà a bulà la cartulinna,  a travaia an cadenna, a esi umilià da certa gent .... beh? lasumma stà?? ad cursa an tla so casinna prestu aien turnà.

Cara la me gent cal lei capila a temp lasevi pu nen tentà danda via dan tal vos Monfrà.

Li an tis culinni a ie anche l'aria bonna ei al su caf  fa brunsà e a sei rispetà ad la gent cav ved a travaià?

Lu so, la tera a le basa a le fatigga travaiala ma ogni di chi pasa av meritei ina midaia??

E nui, sitadin dal pentu ca iumma l'automobile al duminichi andu andumma a fà tanti chilometri?

Andumma nei axi an là andumma visità al culinni dal nost bel Munfrà.

E li as ved e  a sampara, ie tanti robi d'amparà specialment da cula poca gent ca le armaniia e cha duvumma ringrasià!!!

 Casà me bel casà, a mi ma smiia ieri, ca girava an tal to    strà!  Ma a ie pasà tant temp, tropi robi a ie cambià sia an tla gent, che an tla sità!

An vis dal me Runsun con al so losi eai so preion, e anche an tla sità a iera dal beli losi per pudei spasigià. Po, a ie rivà al prugres purtà dai sapienton; crubumma al losi e al preii e fumma tut in stradon! Ma in co, dop tanti ani ad prugres e discussiun a iumma capì na roba.... e, ai turnu rancà i stradon.

E da sutta is catramus quasi ac me d'incant ie turnà sorti al losi con al so mant ad preii bianch.

Casà me bel casà is robi can fan veddi duvumma supurtà, ai supurtumma tutti e cun rasegnasion perchè la storia an musta ca le evoluscion.

Evolusion sarà, ma mi ca gir an ti si cà, an tzi cà dla povra gent i quadar ca ved mi ai son pu che depriment?

Ma, anveci da fà e sfà al robi pu banal e, chi lasu al temp chi trovu, al sareia mei iutà chi ca le an necesità.

Daii na nan a chi cal sofr, chi cal po nen rivà a la fin dal meis chi cal tribulla per scaudasi.

Si, quaidun suchì al lu fà, però ai son  talment rar chi pasu inuservà.

A ie anche cui chi parlu, chi criiu fort, chi dan la speransa per l'amnì, e antant la gent la speta chi sponta is pu bel dì!

Ma a Casà ie al post per tutti, Casà le na gran sità, e a la al pregio d'uspità sniur, povar, e iinbuscà.

Curagi Casaleis, cun la fratelansa ad tutti andumma semp anan . Acetumma si al prugres ma, con riserva.

Ad cui chi criiu fort ufrinda tanta roba a duumma difidà. Casà a la na storia, a le na sità ecesiunal.

I Casaleis ai son ourguglius dal so pasà, perciò   ai vardu al futuro cun speransa e unestà.

    Nebiot