Letaris Furlanis Facilis in Linux

La gjestion de tastiere e je diferent pe console e pal XServer. Cun di plui cualchi program al pues vê une gjestion propie de tastiere.

Culì si presentin un pâr di layout, ma stant che la gjestion de tastiere e je une vore flessibil (soredut in X), tancj altris a puedin jessi fats daûr lis propis esigjencis. Par vê plui informazions che si viodi la Documentazion.

Soluzions par X

Tastiere taliane

Soluzion 0

In Mandrake e forsit in altris distribuzions il layout de tastiere taliane al à za definît un mût (pal vêr no masse comut) par scrivi lis letaris furlanis:

• vocâls cul circonflès
  1. Cjalcjâ il tast Win (chel cul balconut) di diestre e molâlu
  2. Cjalcjâ Shift+ e molâ i tascj (no si viôt nuie al va ben cussì)
  3. Cjalcjâ il tast de vocâl pe version minuscule, Shift+vocâl pe version maiuscule
• Ç MAIUSCUL
  1. Cjalcjâ il tast Win (chel cul balconut) di diestre e molâlu
  2. Cjalcjâ il tast virgule e molâlu (no si viôt nuie al va ben cussì)
  3. Cjalcjâ il tast Shift+c
     (Par ricuardâlu: la virgule e je simil ae cedilie)

Tecnicamentri cheste soluzion e dopre la composizion di tascj.

Se no je funzionant, doprant KDE e pues jessi facilmentri abilitade

• Va a : Centro di Controllo/ Regionali e Accesso Facilitato/ Mappatura della Tastiera/ Opzioni Xkb
• Segne la caselute Abilita le opzioni di Kbd e tes opzions abilite Tasto Compose/Win di destra è compose

La distribuzion Slackware come soluzion za pronte e à:

• vocâls cul circonflès
  1. Cjalcjâ AltGr+Shift+ e molâ i tascj (no si viôt nuie al va ben cussì)
  2. Cjalcjâ il tast de vocâl pe version minuscule, Shift+vocâl pe version maiuscule
• Ç MAIUSCUL
  1. Cjalcjâ AltGr+Shift+ e molâ i tascj (no si viôt nuie al va ben cussì)
  2. Cjalcjâ il tast Shift+c

Tecnicamentri cheste soluzion e dopre i dead keys.

Soluzion 1 (3/4 tascj)

La soluzion precedent e dopre 4/5 tascj, cuntune piçule modifiche al layout si pues sparagnânt un. Par modificâ il layout si à di creâ un file di test di non .Xmodmap te home dal utent e metji dentri chestis dôs riis:

• keycode 21=igrave dead_circumflex asciitilde asciicircum asciitilde asciicircum
• keycode 47=ograve ccedilla at Ccedilla at Ccedilla

e salve il dut.

Il file al vignarà let al inviament dal Server grafic e al modificarà il layout talian. Par provâlu daurman dopre il comant: xmodmap .Xmodmap

Il layout al à chestis cumbinazions di tascj:

• Vocâls cul circonflès:
  1. Cjalcjâ Shift+ e molâju
  2. Cjalcjâ la vocâl pal minuscul o Shift+vocâl pal maiuscul
• Ç: AltGr+Shift+
• ^: Cjalcjâ AltGr+Shift+

Soluzion 2 (2/3 tascj)

Cheste soluzion e permet di produsi lis vocâls cun acent circonflès cun dome 2/3 tascj midiant chestis facilis combinazions:

• AltGr+vocâl -> vocâl minuscule cun circonflès
• AltGr+Shift+vocâl -> vocâl maiuscule cun circonflès
• AltGr+Shift+ -> Ç (come soluzion precedent)

Probleme Euro: il simbul dal Euro (€), che al veve assegnât la combinazion AltGr+e, cumò si produsarà cun AltGr+r (Euro).

Par vê cheste soluzion cree un file di test di non .Xmodmap te home dal utent e metji dentri chestis riis:

• keycode 32=o O ocircumflex Ocircumflex ocircumflex Ocircumflex
• keycode 38=a A acircumflex Acircumflex acircumflex Acircumflex
• keycode 30=u U ucircumflex Ucircumflex ucircumflex Ucircumflex
• keycode 31=i I icircumflex Icircumflex icircumflex Icircumflex
• keycode 26=e E ecircumflex Ecircumflex ecircumflex Ecircumflex
• keycode 27=r R EuroSign cent EuroSign cent
• keycode 47=ograve ccedilla at Ccedilla at Ccedilla

e salve il dut.

Il file al vignarà let al re-inviament dal Server grafic, ma par provâlu daurman dopre il comant: xmodmap .Xmodmap

Tastiere merecane

Il layout de tastiere merecane al à une variant clamade international che e permet di produsi lis vocâls acentadis (cun acent circonflès, curt e v.i.) cul sisteme dai dead keys.

Par abilitâle di default modifiche il file di configurazion dal XServer zontant te part che e definìs la tastiere
Option "XkbVariant" "intl"
e re-invie l'XServer.

Se no ti è comut chest layout fûr che pal Furlan, tu puedis abilitâlu e disabilitâlu sul moment cui comants:
setxkbmap -layout us -variant intl (pal layout internazionâl)
setxkbmap -layout us (pal layout normâl)
Se tu dopris KDE si pues gambiâ il layout midiant un comut Applet te bare di control.

Il layout al à chestis cumbinazions di tascj:

• Vocâls cul circonflès:
  1. Cjalcjâ Shift+ e molâju
  2. Cjalcjâ la vocâl pal minuscul o Shift+vocâl pal maiuscul
• ç: AltGr+ (par ricuardâlu: la virgule e je simil ae cedilie)
• Ç: AltGr+Shift+
• ^: Cjalcjâ AltGr+Shift+

Soluzions pe Console

Tastiere taliane

Soluzion 1 (3/4 tascj)

Lis combinazions a son lis stessis de soluzion 1 par X. Par abilitâ la soluzion:

1. Discjame il file furlan.map
2. Istruzions pe instalazion di une mape pe Console

Soluzion 2 (2/3 tascj)

Lis combinazions a son lis stessis de soluzion 2 par X. Par abilitâ la soluzion:

1. Discjame il file furlan2.map
2. Istruzions pe instalazion di une mape pe Console

Tastiere merecane

Par scrivi lis letaris furlanis in mût facil e svelt si pues impuestâ il layout internazionâl pe tastiere merecane che al permet di produsi svariâts caratars acentâts. Te directory des mapis di tastiere ( /usr/share/kbd/keymaps/i386/qwerty o /usr/lib/kbd/keymaps/i386/qwerty o /usr/share/keymaps/i386/qwerty daûr de distribuzion) controle di vê us-intl.iso15.kmap.gz o us-intl.iso15.map, câs contrari discjamile (us-intl.iso15.kmap.gz) e metile te directory parsore. Podopo gambie tai script di inviament la rie dulà che si impueste la mape de tastiere loadkeys alc.map in loadkeys us-intl.iso15. Lis combinazions a son lis stessis de soluzion par X.

Problemis e soluzions

Lis cumbinazions di tascj par X no funzionin al inviament dal XServer, a van dome dant xmodmap .Xmodmap.

Se si dopre KDE il probleme al podarès jessi che e je abilitade la mapature di tastiere di KDE che e va a sorescrivi lis modifichis pai acents circonflès.
Par risolvi va tal 'Centro di controllo' di Kde, 'Regionali e accesso facilitato'->'Mappatura della tastiera' e disabilite la opzion 'Abilita le mappature della tastiera'.
Se però cheste opzion di KDE ti va comude al è un altri sisteme par risolvi: in ~/.kde/Autostart cree un file par esempli 'furlanize.sh' cun dentri chestis dôs riis:
#!/bin/bash
xmodmap ~/.Xmodmap
E dai i permès di esecuzion: chmod u+x furlanize.sh
In pratiche chest al permet di aplicâ lis modifichis daspò che KDE al à cjariât il layout.

In console lis cumbinazions di tascj pes vocâls maiusculis cul circonflès no funzionin.

In tantis distribuzions il font di default de console nol mostre l'acent tes vocâls maiusculis cul circonflès. Si pues gambiâlu cul comant setfont(8) sielzint par esempli il font lat0-XX (cun XX dimension).

Documentazion

Par X: setxkbmap(1), xmodmap(1), xev(1)

Pe Console: loadkeys(1), dumpkeys(1), keymaps(5)