Vai al brano corrispondente in Italiano

Humiles laborant , ubi potentes dissident.
Rana, in palude pugnam taurorum intuens:
"Heu quanta nobis instat pernicies!" ait.
Interrogata ab alia, cur hoc diceret,
de principatu cum illi certarent gregis
longeque ab ipsis degerent vitam boves:
"Est statio separata, ac diversum genus.
Sed pulsus regno nemoris qui profugerit,
paludis in secreta veniet latibula
et proculcatas obteret duro pede.
Ita caut ad nostrum furor illorum pertinet".