Ol Piero lèlo

Öna òlta àla Pianca ‘l gh'era ü tus che l'era'n po' lélo.

Ü dé 'l sò tata 'l'a mandà a San Gioàn dèl mülinér, a crumpà la farina. "Ma rècomande", 'l ga dis ol tata, "gnà piö, gnà meno inte chili".

Ol Piero 'l parte e per la strada 'l sèghéta a dé, sota us: "Gnà piö, gnà meno inte chili, gnà piö, gnà meno inte chili...".

El ria al Fòp e, fò d'öna ca, 'l vèt chi è dré a cupà 'l porsèl; el ga arda 'n po è po' ‘l dis: "Gnà piö, gnà meno inte chili…” I padrù i ga dis " Alà, alà, bambòs, cosè cüntet sö po'?  Édet miga che l'è öna lögia?".

Ol Piero 'l na 'ndà e 'l sa mèt dré a dé sota us: “Lè öna lögia, l'è öna lögia...".

El ria a la ciésa dè Sintì 'ntat chi è dré a ègné dè fò i spus; 'l ga arda 'n po' àla spusa e po' 'l dis: “öna lögia, l'è pròpe öna lögia!". I parécc i la branca e i ga n' pica zó assé e po' i ga dis: “Ta gh'éret dè dé: fösei töcc compagn!".

Dopo 'n po', a Capatèi, l'èncuntra ün òm che 'l völ empissà la pépa, ma i fülminàncc i sa 'mpissa miga.

Ol Piero, grégnando, 'l ga fa: fösei töcc compagn!

Ol òm el la fa cor a còrne e po' 'l ga ciama dré: “Ta gh'è dè dé: 'mpìssega sota...".

El va amò 'nfena 'n di Ruc e 'n banda àla strada el na èt ü ncülà zó che l'è dré a fala...

Convinto dè èga la parola giösta, 'l ga ciàma fò: "Dai, 'mpìssega sota!".

Chèl el da fò di strass 'l ga domanda se l'è mat e po ‘l ga dis: “Tà gh'è dè dé: fò ü e fò l'oter".

Ol Piero 'l va amò inàcc ü tochèl dè strada, 'nféna che 'l ria àla Corna Albana.

Che 'l ga é 'ncuntra ü che 'l gh'a fò ün öcc. El ga arda 'n po' e po l ga dis: “Fò ü e fò l'oter!"

"Bröt lifròc", 'l ga dìs ol òrbo, ta sé ü bel vilànc a ofèndem, 'nvece dè dém: fösei ét töcc du!".

Ol Piero, gliura, 'l capés finalmente cosè 'l gh'a dè dé...

L’è quase rià al mülì e 'l gh'a dóma dè tréersà 'l put vècc sura 'l Brémp.

‘N dèl mès al put l'èncuntra ü mülatér con sa du müi cargà dè farina e, pròpe 'n chèl punto, ü mül el pèrt ol bast e 'l burla ét n dèl Brémp.

Ol Piero söbet el vusa: fösei ét töcc du!".

Ol mülatér, föra di beàti, 'l branca sa 'l bastù e 'l ga pìca zó öna mànega de bastunade a sto pòer Piero, 'nféna che 'l la sbàt dét en dèl Brémp, 'n do che 'l néga.

Pietro sciocco

Una volta alla Pianca c'era un ragazzo un po' sciocco.

Un giorno il suo papà lo mandò a San Giovanni Bianco dal mugnaio a comprare la farina. "Vi raccomando - gli disse il padre - né più, né meno venti chili".

Pietro partì e per la strada andava ripetendo sottovoce: né più, né meno venti chili, né più, né meno venti chili... ".

Arrivò al Foppo e fuori di una casa vide gente che stava ammazzando il maiale; osservò un po' la scena e poi disse: né più, né meno venti chili... ".

I proprietari gli dissero: "Ma va, sciocco, che cosa dici mai? Non vedi che è una scrofa?".

Pietro se ne andò e cominciò a ripetersi sottovoce: "È una scrofa, è una scrofa... ".

Arrivò alla chiesa di Sentino, mentre ne usciva uno sposalizio; osservò un po' la sposa e poi disse: "È una scrofa, è proprio una scrofa!... " *

I parenti lo presero e gliele diedero di santa ragione e poi dissero: "Avresti dovuto dire: fossero tutti uguali! ".

Dopo un po, a Capatelli, incontrò un uomo che voleva accendere la pipa, ma i fiammiferi non si accendevano. Pietro, ridendo gli disse: 'Fossero tutti uguali!".

Quell'uomo lo fece correre a sassate e gli gridò: "Dovevi dire: accendigli sotto... ".

Camminò ancora un po, fino ai Ronchi e in parte alla strada vide un tizio che, accovacciato, faceva i suoi bisogni. Convinto di avere la frase giusta gli gridò: "Accendigli sotto!".

Quello, fuori di sé, gli chiese se era matto e gli consigliò di dire: "Fuori uno e fuori l'altro".

Pietro fece ancora un tratto di strada ed alla Corna Albana incontrò una persona che era senza un occhio. La osservò un po’ e poi disse: "Fuori uno e fuori L’altro".

Brutto mascalzone - gli gridò il cieco - hai un bel coraggio ad offendermi invece di dirmi: fossero dentro tutti e due!".

Allora Pietro capì, finalmente, quello che doveva dire...

Era quasi arrivato al mulino e doveva solamente attraversare il vecchio ponte sul Brembo.

Proprio nel mezzo incontrò un mulattiere, con due muli carichi di farina; ad un tratto un mulo perse la soma e precipitò in Brembo.

Pietro subito gridò: " Fossero dentro tutti e due!".

Il mulattiere, fuori di sé, prese un bastone e bastonò il povero Pietro, finché lo fece cadere nel Brembo dove annegò.

homepage