L'otrer a mezanocc turnae a cà,

e lé in prensepe a l'öltema stradela,

a l' m'è parit de sèntem a ciamà:

me olte - a -ghera ol ciel töt öna stela -

e vede ü pér d'ügiù ch'i m'varda in sà:

«Fina a sto punto - a dighe - o sgualdrinela?»

Ma söbet dopo a gh'ó slongat la mà:

«Cara, vé sö con mé: te sé issé bela»!

E 'n va de sura in camera, drecc drecc:

lè in di me brass e mé col pass leger

per no' desdà 'n de stansa apröf, la Nina.

Ma intat che la caresse lé söl lecc,

a l' se spalanca l'öss, e me moér:

«Chi éla»? la usa. E mé: «La to micina»!

Versetti dialettali di Piero Terzi (Bergamo)

homepage