|
A Gaetano Donizet (nel sentenare de la mort) A Luigi Medici |
 |
|
Ol mal a l’t’à ciapat a tradiment col fat svanì per semper la memoria e l’t’à stroncat ol vul e l'ardiment quase per ümiliat de tata gloria:
ma quando, dopo mis de patiment, la mort a l’à vantat la so vitoria, i t'è egnicc incontra a sent a sent i Angei, cantando l'«in excelsis gloria»:
e i t’à creat Maestro d'armonìa per sent a 'n Paradis, tra stela e stela, la pagina d'ümana poesia
che t'ìet iscrecc ne l'opera piö bela per la passiù e la mort de la Lücia... (perchè i ghe l'ìa gna 'n Ciel compagn de chela). |
|
|
Versetti dialettali di Piero Terzi (Bergamo) |
|
 |
 |