La creassi dela lüs

La lüs a lè nassìda al tèp dei tèp in cèl, intàt che al Padretèrno a
gh'ìa scapàt in fàl la prima ögiàda 'n giro per mètes a creàl.

La lüs a l'ia selvàdega e dispetúsa insèm, la sìa metìda sübet a
fà balà la lüna col súl e i stèle 'n cèl compàgn d'ü mülinèl.

L'ìa trasfurmàt ol mònt con töt ol sò calùr in d'öna gran furnàs
per inventà i culùr de pitürà zò'l cèl con töt ol sò splendùr.

A gh'è ülìt del tèp perchè la se calmès e la troès la pàs
in fì a' de'nnamuràs e de fà crès i fiùr con töcc i sò culùr.

La lüs la s'è cambiàda in cèl come öna fàta che'impìa e smòrza zò
ol sul come ü falò, de nöcc, la lüna e i stèle coi dìcc facc a fiamèle.

La lüs lè töta amùr, la te dà èta e fiàt e òia a' de campà, la te fà
sèmper fèsta perchè l'è'nnamuràda de töcc ì'nnamurcc.

La lüs l'è sèmper bèla in cèl e sö la tèra e quando la sberlüs
la dìs "sò mè l'amùr che scòlda töcc i nì e che fà crès i fiùr".

La lüs l'è verità, ghe scàpa gna ü pensèr col bè e col màl che
s'fà la ghe fà ciàr a töcc de dèt e fò de cà per chi la öl dovr.

La lüs l'è sèmper giöstra a'sè la par sbagliàda a chi ghe ulta i spale
perchè la ghe fà ombra e i sèra i öcc per vèt apèna chèl che i crèt.

La lüs la fà pensà a Chèl che l'à 'nventàda perchè l'è apèna Lü che
l'pl am smorsla isce' come l fcc ai tp che l'l' mpida.

Ma quando 'l Creatùr l'ismorserà sta lüs, la sarà prònta l'òtra, piö
bla e am pi frta, chla che l' decs de dm in parads.

Versetti dialettali di don Giulio Gabanelli (Zogno)

homepage