A çittæ deserta

Perché a seunna a campann-a a San Donòu
se a çittæ a l'è deserta?
I crïi e i centi de l'ùrtima neutte
son mòrti in scê muäge
e 'n fonzo neigro o l'è nato inta vasca,
sensa musccio d'in gïo; solo cemento
e 'n scracco secco de vegio sott'a-o sô.

Se questa a l'è a çittæ, no gh'è raxon
che un zóveno gaggiardo pe sarvâla
o se fasse ammassâ:
a-o ciòcco da campann-a,
anche o sò sangue sùbito o secchià.
 
La città deserta

Perchè suona la campana a San Donato
se la città è deserta?
Le grida e i pianti dell'ultima notte
sono morti sui muri
e un fungo nero è nato sulla vasca,
senza muschio intorno; solo cemento
e uno scaracchio secco di vecchio
sotto il sole.

Se questa è la città, non vi è ragione
che un giovane gagliardo per salvarla
si faccia uccidere:
al rintocco della campana
anche il suo sangue subito seccherà.

 
 
Facce de chissà chi

Facce de chissà chi
ch'incontro ògni mattinn-a:
femmo a mæxima stradda;
n'aspëta un ätro giorno, grixo,
e, comme tutti, pin de novitæ
che conoscemmo zà.

Un giorno grixo...
grixo comme sei voì,
facce de chissà chi mëze addormïe.
Mi ve conoscio tutte,
ma se dovesse dî
o cô di vòstri euggi, l'esprescion,
i nasi, e bocche, e oëge,
no saviæ...
Pe mi sei tutte pæge,
facce de chissà chi:
ombre sensa contorni
fisse inte'n spegio
appannòu da-o fumme
da mæ malinconia.

Ma sei coscì davvei?
Ò no son mi che stanco
de fâ tutte e mattinn-e a stessa stradda
incontro à un giorno ch'o no l'à de dæta
no riescio ciù à capîve?
Ò no son mi che, fòrse,
ve daggo colpe che no meritæ?
E se avesci ciù fòrsa
de quante ne agge mi?
Allöa mi ve domando:
dæme 'na man se poei...
No diggo tanto:
fæ conto d'aggiuttâ 'n òrbo co-o bacco
ch'o l'agge perso
o scæn do marciapê...
Ma se pe caxo
o grixo che mi veddo
pesâ in scî vòstri euggi o fïse penn-a,
allöa fæme sentî
o dô do vòstro cheu,
e mi corriò!...
Corriò pe dâve quello pöco che ò,
facce de chissà chi,
facce de fræ.
Facce di chissà chi

Facce di chissà chi
che incontro ogni mattina:
facciamo la stessa strada;
ci aspetta un altro giorno, grigio,
e, come tutti, pieno di novità
che conosciamo già.

Un giorno grigio...
grigio come siete voi,
facce di chissà chi mezze addormentate.
Io vi conosco tutte,
ma se dovessi dire
il colore dei vostri occhi, l'espressione,
i nasi, le bocche, le orecchie,
non saprei...
Per me siete tutte uguali,
facce di chissà chi:
ombre senza contorni
fisse in uno specchio
appannato dal fumo
della mia malinconia.

Ma siete veramente così?
O non sono io che, stanco,
di fare ogni mattina la stessa strada
incontro a un giorno che non ha data
non riesco più a capirvi?
O non sono io che, forse,
vi do colpe che non meritate?
E se aveste più forza
di quanta ne abbia io?
Allora io vi domando:
datemi una mano se potete...
Non dico tanto:
fate conto d'aiutare un cieco con il bastone
che abbia perso 
lo scalino del marciapiede...
Ma se per caso
il grigio che io vedo
pesare sui vostri occhi fosse pena,
allora fatemi sentire
il dolore del vostro cuore,
e io correrò!...
Correrò per darvi quel poco che ho,
facce di chissà chi,
facce di fratelli.

 
Scheuggio ferrâ

Cornetti, gritte e chissà quali bestiëte
t'an pertusòu pe sécoli
e chi pösava o gommio
in sciâ tò schenn-a dùa,
pinn-a d'agogge e lamme de cotello,
rexistendo a-a tortùa,
ò, se o doveiva aveine de raxoin!

A mæ raxon t'ëi ti, quande into sô
comme Esterinn-a ti rispondeivi riendo
a-o reciammo de l'onda.
E no l'ò mai capïo cöse ve dïvi.
 
Scoglio ferraio

Cornetti, granchi e chissà quali bestioline
t'hanno bucato per secoli
e chi posava il gomito
sulla tua schiena dura,
piena d'aghi e lame di coltello,
resistendo alla tortura,
oh, se doveva averne di ragioni!

La mia ragione eri tu, quando nel sole
come Esterina rispondevi ridendo
al richiamo dell'onda.
E non compresi mai che cosa vi dicevate.
Gallette e salacche

Mòlla i ormezzi e vanni,figgio mæ:
o mâ o l'é tempo eterno e l'onda a batte
comme o respïo de'n cheu quand'o l'aspëta.
Là t'attroviæ bonasse
e gianchi derrùi de scciumma,
l'ödô de mæn e o vento di tramonti
e i longhi giorni arsi de fadiga.
E là, in sciâ coffa, tra o sartiamme teiso,
solo co-o mistero do çê,
'na voxe ardïa a te dià chi t'ê
e o perché da tò vitta e do destin.

Pe niätri chì, mëzi addormiggiæ,
ch'emmo refuòu pe chissà quali orizzonti
e gallette e e salacche da tò çenn-a,
s'arve scroscindo 'na dispensa veua
e a ne creuve de scùo.
 
Plinio Guidoni
Elenco degli scrittori

 Gallette e salacche

Molla gli ormeggi e va', figlio mio,
il mare è tempo eterno e l'onda batte
come il respiro d'un cuore quando aspetta.
Là troverai bonacce 
e bianchi dirupi di schiuma,
l'odore di salmastro e il vento dei tramonti
e i lunghi giorni arsi di fatica.
E là, sulla coffa, tra il sartiame teso,
solo con il mistero del cielo,
una voce ardita ti dirà chi sei
e il perché della tua vita e del destino.

Per noi qui,avvolti nella sonnolenza,
che abbiamo rfiutato per chissà quali orizzonti
le gallette e le salacche della tua cena,
s'apre scricchiolando una dispensa vuota
e ci copre d'oscurità.