Bolla dell'Arcivescovo di Bari Baldassarre  Mormile con cui si istituiva il 18 gennaio 1808 la vicaria di Palese.

BALTASSAR MORMILE Patricius Neapolitanus Ordinis Clericorum Regularium, Dei, et Apostolicae Sedis Gratia Archiepiscopus Baren, et Canusinus, Primas Apuliae, ac Baro Bitricti

Cum in visitatione per nos facta invenerimus in loco vulgo nuncupatato Palese, cujus spiritualis cura ad adm. Reverendum Archipresbyterum Civitatis Medunei huius nostrae Diocesis spectat (Capitulum enim nostrum Metropolitanum omne ius quod forsan in memorato loco Palese praetendebat, omnino cessit, uti ex Capitulari Conclusione sub die 13 mensis Januarii 1807 clare liquet) incolas erevisse usque ad numerum quincentum: Inclinati propterea corumdem incolarum precibus S. R. M., et nobis per Illustres Civitatis Medunei Administratores porrectis, quibus dolentes exposuerunt, quod cum ipso oncolae Pagi vulgo Palese su Parochia Maioris Ecclesiae supradictae Civitatis existant, ob distantiam quinque fere milliarium, necnon ob asperam, coenosamque viam prsesertim hyemamali tempore, non possint praecipue senes, puei, et debiles absque maxima difficultate et periculo ad illam pro divinis officiis, et percipiendis sacramentis accedere; quodque persepe sine illis quanplures ex hac vita discesserint, et Medunei Archipresbyter; necnon universum ejusdem Civitatis insigne Capitulum consenserint, quod alius Sacerdos e gremio eiusdem Capituli ipsis Incolis in Cappella Illustris D. Iosephi de Rossi, ibique publice constructa, et de supellectilibus sacris decenter provisa Missam quotidie celebret, et Sacramenta omnia illis ministret, ad eretionem Coadiutoriae, seu Oeconomiae Curatae Archipresbyteralis Ecclesiae Civitatis praedictae omnimo subiectae prout illius Pagi necessitas postulat, precedere statuimus. Idcirco, attento beneplacito antediciti Rev. Archipresbyteri non solum,verum etiam totius ejusdem Civitatis Capituli per vota secreta prestito, uti ex Conclusione Capitulari habita sub die 30 mensis Octobris 1807 apparet, dictam publicam Cappellam D. Iosephi de Rossi in Ecclesiam Coadiutricem, seu Oeconomiam Curatum Majoris Ecclesiae Civitatis Medunei instituimus, et creamus, mandantes, ut in eadem construantur, sepulchrum, Fons Baptismalis, et Armariolum pro osservando Sacro Infirmorum oleo, sed quia memorata Ecclesia semer reputari debeat mera, et simplex Coadiutoria, seu Oeconomia Curata Majoris Ecclesiae Medunei, volumus, ut Oeconomus Curatus pro tempore quolibet mense teneatur tradere notulas renatorum et defunctorum Rev. Archipresbytero Medunei, qui easdem adnotet, in suis libris Parochialibus, unde necessariae fides excribantur. Matrimonia veri semper contrahantur corum Archipresbytero Medunei.

Pro exercitio vero memoratae Oeconomiae Curatae deputamus dilectum Nobis in Christo Rev. D. Iosephum Martelli e gremio dicti Capituli, uti praedentatum a Rev. Archipresbytero, et Capitulo, isque reputetur amovibilis ad nutum nostrum cum consensu eorumdem Archipresbyteri et Capituli, eique uti idoneo, et ab Examinatoribus adprobato committimus administrationem Sacramentorum Baptismi, Poenitentiae, Eucharistiae, et Extremae Unctionis, instructionemque in rudimentis fidei illis accolis facienndam, et adsistentiam ipsis prestandam in articulo mortis.

Volentes insuper ut pro sustentatione ejusdem Rev. Oeconomi Curati pro tempore Meduniense Capitulum ei relaxet annuam portionem, quam unusquisque ejusdem Capituli Sacerdos percepit, tam in redditibus certis quam accadentialibus, ut vulgo aiunt, et reputetur semper praesens in Choro; necnon ut idem Capitulum solvat ei quotannis alios ducato viginti, et adm. Rev. Archipresbyter quotannis etiam ex sua Archipresbyterali Mensa ducatos decem. Concedentes tantem Archipresbytero, et insigni Capitulo Civitatis Medunei ius praesentandi Nobis in omnibus casibus Oeconomum Curatum, semper eligendum e gremio Capitulo, dicti Pagi Palese, qui semper remaneat admovibilis, ut supra, quique a Nobis necessarias facultates pro dictae Oeconomiae exercitio recipere habeat, et debeat. Non alias etc. Datum Medunei in decursu S. Visitationis die 18 mensis Ianuarii 1808.

Archiepiscopus Baren et Canusinus

Canonicus Monno a Secretis