Fogole

Spòrt al é... busàr la libertà

Se te cór söra dói ròde,
co i amìghi te na pìsta,
co le màchine da corsa,
te na véla söra a 'l mar ...

se te rànpega le zìme,
se te lùda te la néf,
se te dùga co na bàla
sóto réte o rènto 'n sést ...

no sta fàrlo par olér
sóra i altri sènpro vinher,
par na carta, na madàia,
pa i onóri de la dènt.

Te i cavéi, al vènt che fùrla
che 'l caréza la to fàcia,
che 'l te sùga al to sudór
'l é an busàr la libertà.

Ultima góia....

Co le onbrìe, par mi,
deventarà, dì par dì,
sènpro pì lónghe,

menéme te 'n bósc bearàr le me man àrse
de piérle, fréde, de bròsa...

strucàr te i làver
frànbole salvàreghe...

inbriagàrme te 'l udór
de mùs-cio e rà§a.

Féme vardàr
i ràgi de 'l sol

che i laóra le onbrìe
co i ricàmi de lùs,

spighét de arcansiél
pa fasàr la me nòt...
e po, Signór,
te pól stuàr le stéle.

Longarón, 9 de otóbre 1963
9 de otóbre 1988: an 25°....

Te le crèpe de i mur
asàdi a a 'l dimàn,
fin lùstre pa 'l sàlso
de làgreme séche,
co 'l mùs-cio che scònde
parèle mai scrite,
sofegàdi silènsi,
la ó§e de 'l vènt
gnén dó da 'l Vajónt.

La cónta le stòrie
de i vèci filò ...;
la cànta vilòte
de 'l tènp de na òlta ...;
la inpìsa larìn
co antànie e ro§àri
stuàdi da l' ónda ...;
la bùsa le piére
co radì§e de sàngue,
carésa le cró§e
che pàr piantaión
de §bàli olésti
§grinfàr la natura'.
la fa da sentìna
a na vècia mu§ìna
pa pensiéri e ricórdi
che tèra no coèrde
che tènp no scancèla ...

E po, co 'n magón,
te na récia, ne dis
de vardàr a la véna
de la Piàve, no a 'l mar.

La cónta ... la dis ... la cànta

Co 'l mar in boràsca,
me gòde scoltàr
la óle de 'l vènt
che cór su le ónde,
cavài sènsa smòrs
co bècoi de ariènto
che in spuma finìs.

La cónta, sta óse,
radìs de la vita,
sperànse negàde
te dèrle de àqua,
volànde molàde
raménghe te 'l ziél.

La dis de na bàrca
de insègni §vanpìdi,
gabiàni sènsa àle,
di§gni de 'n bòcia
co 'n dét te la réna,
che na ónda scancèla.

La cànta a sta véla
Pregàda da 'l tènp,
che spèta la riva
polsàr an s-ciantìn,
antànie de amór
par an TUT sènsa fin.