S'usat narrer, ch'est mala sa 'ezzesa
pro ca su currer ti faghet frenare
e sa carena ti faghet pesare
tantu chi non b'est pesos chi la pesa,
custringhende sas forzas a sa resa
e sos sensos su viver a odiare;
me est peus non poder imbezzare,
ca sa vida si finit in lestresa.
Non soe bonu a dare unu consizu,
pro supperare sos urtimos annos
cantu si podet in paga tribulia.
Deo pero' hap'haer contivizu,
de andare lantanu senza dannos
tenende in motu sa carena mia.
Micheli Cugusi de Gavoi - 25.12.1985
Micheli CUGUSI