Ave Mama 'e Deus

Ave Mama 'e Deus
(Deus ti sarvet, Maria)
Traditzione de Sardinna dae su Dughentos
_

Deus ti sarvet, Maria,
chi ses de grascias prena,
de grascias ses sa (iv)vena
in sa currente.
De grascias ses sa (iv)vena
ei sa currente.

Su Deus onnipodente
cun tegus est istadu,
pro' chi t'hat preservadu
immacculada.
Pro' chi t'hat presevadu
immacculada

Beneitta et laudada,
supra tottu gloriosa,
Mama, Fiza 'e Isposa
de su Segnore.
Mama, Fiza et Isposa
de su Segnore.

Beneittu su frore
chi est fruttu de su sinu
Zesus, frore divinu,
Segnore nostru.
Zesus, frore divinu,
Segnore nostru.

Pregadelu ca' Fizzu ostru
chi tottu sos errores
a nois, sos peccadores,
nos perdonet.
A nois, sos peccadores,
nos perdonet.

Meda grazia da(e) nos Donna,
imbìdade in sa corte
nei sa ditzosa sorte
in paradisu
ei sa ditzosa sorte
e(t) in paradisu

Mario Delitala, Pieta' (xilografia)

Sa musica prus bella de sa Sardinna.

Non b'hat hunfrontu.

Custa este s'Ave Maria sarda, sa chi si cantada in cresia, mancari non siet offitziale. Este unu cantu et unu pregu, una traditzione et unu isperu.

Chie l'hada cumposta, nana in su Dughentas, l'hat cherfida dediccare a sa Mama 'e su Sennore.

Sa diliccadesa de s'Ispiridu in mesu a sa 'ortza de sa Nadura; chin custu cantu, sos Sardos podene prehare Deus, chi lis dat sos males, po' more e' sa Mama, chi lis dat su Cunsolu. Et podene prehare in sardu, gai chi Deus et Maria che l'iscana chi los cheren prehare abberu, mancari a sa moda issoro.

Provadebos a figurare in canchi cresiedda minore de monte, intrande po' viere itte v'hada in intros, et a bo l'atzennare in conca, in mesu 'e su silentziu.
Derettu bos azzes a acattare prehande, cantande, a horo prenu.

Non b'hat Sardu, semmus sehuros, chi non l'happet cantada assummancu una 'orta in bida sua. Chi no happet prehau, gai, una 'orta in bida sua.

_______________
Su testu de innoghe este istau tirau dae una betza vessione de Maria Carta; medas atteras vessiones bi nd'hana, 'a donzi vidda tenet sa sua.
Si no cherides imbiare sa de 'idda vrosta, iscrivienos.



		Remmittanos Informatticos - Cosas de Sardinna