E' sarracena sta strada 'nfosa;

'na fila e' vascie , nu vico chiuso ,

so' goccie 'e chianto sti panne spase ,

na stanza pare ch'è nu pertuso . 

Fenesta vascia cu' na Maria ,

ca me faceva sunnà l'ammore ,

t'hanno 'nzerrata cu' na buscia

d'' o terramoto ch'è senza core .

Chesta canzone , canzone amara ,

porta 'int''e nnote cchiù 'e nu dulore

quanno se perde na cosa cara

se po' ascì pazzo , ce stà chi more !

Na mana sfila 'int''a sacca onesta

na vocca strilla 'nfaccia 'e prumesse

è sulo 'arraggia chella ca resta ,

quanno nu popolo è cuoppo allesse .

'O vico ajere nun era " Santo "

si l'attuccava te deva 'a mano

ce steve 'a risa , ce steve 'o chianto ,

era nu vico Napulitano .