Ah, comme scrivere vurria

'a passione ca siente tu!...

'Stu vierzo mio... che te darrie...

'a gioia 'e ll'ammore ca vuò tu!...

 

E cu 'sta chitarra sunanno...

'a musica d''o sciummetiello,

ca, pe dinto 'e pprete, scurrenno, 

canta 'a cchiù bella canzuncella!...

 

E 'st'acqua chiara... ca frischéa, 

scorre, facenno strummulille...

'e stelle, pecché nce pazzéa.

 

'O sole esce 'a na nuvulella

e ncopp' 'o bbrito spicchiéa...

Dint' 'o lampo fuie n'auciello...