Songo fernute 'e llacreme

pe st'uocchie addullurate...

Te voglio fa' - mm' é 'à credere -

scurdà priesto 'o ppassato !...

 

So' llacreme 'int' 'a voce

pe chist'ammore mio;

nun pozzo truvà pace

si nun sarraie d' 'a mia !...

 

E na felicità,

ca nun speravo cchiù,

nzieme ce fa campà...

campo si campe tu!...

 

Pe ssempe t'é 'à scurdà

d' 'e llacreme chiagnute...

Che bbene t'aggia dà !...

Comme tu ll'hè vuluto !...

 

Tu mo saie c' 'o sblendore

'e st'uocchie nnammurate

mm'ha 'ncantenato 'o core

cu 'e llacreme passate...