SENZA PAROLE!

 

E' grossa 'a gioia ca tengo dint' 'o core

e so' felice sulo 'e te guardà.

Nun ponno di' 'e pparole ch'é st'ammore.

Guasta, ogne frase, sta felicità.

 

St'ammore m'è trasuto dint' 'e vvene

e dinto a st'uocchie scuorge 'a verità:

nce liggiarraie ca te voglio bene, 

ca sempe, nzieme a te, voglio campà.

 

Guarda: mme sento sbòllere pe te,

e spero sempe de farte capì,

senza parole, tu che si' pe me.

...Senza parole già mm'hé ditto "Sì"...