'A PICCERELLA
- Mariscià! Io so' Carmela
Assante,
- tengo nu soprannomme: 'a piccerella!
- So' cunusciuto quase a tutte quante ;
- io batte 'o marciappiede a' ruvanella.
- tengo nu soprannomme: 'a piccerella!
- M'ite pigliate per adescamento,
- stanotte avite fatto 'na retata
- e 'nmiez'a sti figliole malamente,
- pure a Carmela Assante it'arrestate!
- Io quanno sento 'e di': Chella fà 'a vita!
- Vulesso tanto dicere a stà gente:
- 'A storia, 'a storia mia, nun ha sapite ...
- Io cu' stà vita moro lentamente!
- Io porto 'na familia sana annanze,
- perdetto a papà mio cinch'anne fà,
- povera mamma mia! Che Ddio m'ha scanza!
- iette ha servì pe' nce putè sfamà!
- 'A sera a' casa, purtava 'na scudella,
- era 'a marenna soia d''o miez'iuorno,
- nun s'ho mangiava chella puverella ....
- Cheste so' cose ca me fanno scuorno !
- E quante mane stese 'int'o piatto,
- ma chella 'e mamma mia, nun ha vedevo,
- nun ha vedevo maie chella furchetta!
- Comm'a na piccerella essa spereva!
- A sidece anne, chest'era 'a vita mia!
- Nun ce ha facetto chiù! P'a primma vota,
- il lle cuntaie a stà santa na buscia!
- P'a primma vota facetto nu peccato!
- E lle dicetto : Mamma, mamma santa,
- n'amico d"a bon'anema 'e papà,
- m'ha truvato nu posto, assaie importante,
- dimane parte, pirciò v'aggià lassà!
- Venetto a Napole, io songhe d''o Celiento
- e nu signore me mettette a fà,
- stà vita, chesta vita malamente!
- Papà d"o cielo m'addà perdunà !
- Io m'ho ricordo!
- Annanze all'uocchie 'o vedo,
- 'a primma vota dicetto: C'aggià fà?
- Se ride sempe 'ncopp'o marciappiede!
- E io stò redenno ancora, Mariscià!
- Mò quanno vaco a casa 'e mamma mia,
- esse me dice: Grazie figlia santa!
- Chello ca faie pe' nuie t'ho rrenno Dio!
- E io 'a surrido e m'annasconno 'o chianto!
- Io porto 'a croce 'e ridere sultanto ...
- Chiagnere mariscià, io vularrio,
- pecchè me metto scuorno tanto tanto,
- 'nmiez'a na strada e annanze a mamma mia!
- Nun m'ha facite murì mò 'e pucundrìa ,
- so' chiù cuntento d'a fà lusingà,
- si pure lle cuntato na buscia,
- p'essa sò santa e santa aggià restà !
- stanotte avite fatto 'na retata
La presente poesia non potrà essere pubblicata o utilizzata in qualsiasi altro modo, sia parzialmente che integralmente, senza il consenso dell'autore
Per avere informazioni su questo autore, o per leggere altre sue eventuali pubblicazioni su Interactive People, fai clic Qui
Napoli
in poesia: Le
più belle poesie di un Grande Poeta Napoletano