DIO E L'OMMO
- Quanta malvagità
sta 'ncopp'o munno
- nuie nun ce' mmeretammo 'a primmavera,
- avesse sempe chiovere a zzeffunno,
- pe' tutt'a vita 'na vernata nera,
- ca nun facesse crescere 'e viole
- e 'ncielo nu' spuntasse maie 'na stella,
- maie 'na matina te scarfasse 'o sole,
- maie chiù, sentì 'nu canto 'e rundinella!
- 'O mare sempe agitato e 'ntempesta,
- 'a rezza vacante avesse turnà,
- 'a pianta 'ncampagna, sfrunnata te resta
- c'o frutto chiù amaro t'avesse caccià!
- Triste 'a criatura, pe' dint'a stu vico,
- chiagnenno e alluccanno, chiammasse: mammà!
- e pure stu bene fosse nemico,
- nemmeno st'ammore t'avesse scarfà!
- 'O furno 'a matina, addore d'o pane
- maie pe' chest'aria t'avesse mannà,
- e 'nu cumpagno c'astregne sti mmane,
- spierzo p'o munno t'avisse cercà!
- Spierzo p'o munno girasse chiagnenno,
- cercanno a 'nu Dio, perdono e pietà,
- ma chistu Dio te iesse fuienno,
- pecchè tu si 'n'ommo, s'avesse scanzà!
- nuie nun ce' mmeretammo 'a primmavera,
La presente poesia non potrà essere pubblicata o utilizzata in qualsiasi altro modo, sia parzialmente che integralmente, senza il consenso dell'autore
Per avere informazioni su questo autore, o per leggere altre sue eventuali pubblicazioni su Interactive People, fai clic Qui
Napoli
in poesia: Le
più belle poesie di un Grande Poeta Napoletano