ASPETTANNO!

 

Che cielo stellato e sbrennénte !...

Cu 'st'aria suttile e gelata...

Lùceno 'e stelle d'argiento !...

Aspettanno guardo 'ncantato!

 

Addo' sta 'a luna lucente ?!...

Sta llà, chirchietiello luntano,

cu nu filo 'e sgobbia a ppunente,

crisciuto te veco, dimane !...

 

Core mio ca vuo' n'ato core !...

Cammina pe dint'a stu scuro...

P' 'o friddo, nun truove calore !...

 

Tu core, ... ca siente 'st'ammore !...

Chesta parola t'appura !

Tu muore si tarde chell'ora !!....