|
El decano de la facultad de medicina de París, Johannes Leporis, realiza en la persona
del obispo de Arras la primera disección conocida.
.
Facultas medicinae symbolum prandii S. Lucae a magistris negligentibus requirit;
subbedellumque Guerinum de Roncuria rite accipit - 1408, Februar. 4, Parisiis.
Anni M CCCC septimi die sabbati 4to Februarii, facultate solemniter in capitulo Sancti Maturini,
post missam facultatis, ut moris est, congregata et super duobus articulis : primo, ad ordinandum
de modo quo magistri qui in festo Sancti Luce prandebant nec cimbolum suum solverunt, solverent ;
2° super supplicationibus et injuriis. Super primo conclusit facultas in solvendo coram ea
advocari, causam solucionis neglecte allegaturos. Super 2°, Guillelmus de Valle, facultatis
bedellus principalis, asserens se facultati non posse, ut decebat, obsequi vel servile,
obstante Johannis d'Acy (1) subedelli virium pre morbida senectute (que senectus ipsa morbus est)
destitucione, supplicuit eidem quatinus ipsa de uno coadjutore vel subedello sibi provideret.
Quapropter visum est dictum Johannem, tunc subedellum, ut prefertur, pure, libere, simpliciter
et absolute officium suum subedellatus Guerino de Roncuria, Tullensis diocesis, coram tota
facultate resignasse, tali pacto quod dictas Guerinus de Roncuria eidem Johanni promisit et
promittit admodo annuatim, vita dicti Johannis comite, duodecim francos in principio mensis
Januarii solvere, in casuque tarde, neglecte vel non eidem Johanni solucionis Pacte, domini
mei venerabiles magistrique mei metuendi, Guillelmus Boucherii et Johannes Leporis exhibuerunt
seque exhibent, in confirmacionem predicti pacti, pro dicto Guerino fidejussores. Istam
resignacionem, ut premittitur, factam facultas gratam ratamque habens, dictum Guerinum tanquam
virum probum, sufficientem et ydoneum ad officium subedellatus exercendum, in suum subbedellum
elegit. Idcirco a dicto Guerino juramentis, a bedellis facultatis prestari solitis, coram ea
prestitis, ego Johannes Casson, Nivernensis diocesis, facultatis decanus, utinam non indignus,
eidem Guerino officium subbedellatus, ex precepto matris mee facultatis, in facto contuli
eumdemque mediante virga a Johanne d'Acy mihi tradita, eodem oflicio cum omnibus juribus,
emolumentis fructibusque, eidem officio pernitentibus, investivi. Agebantur hec apud Sanctum
Maturinum, anno, die, horaque, jam expressis, presentibus Venerabilibus et discretis viris,
magistris Guillelmo Boucherii, Martino Gazel, Guillelmo de Camera, Petro de Aussonna, Johanne
Comitis, Johanne Leporis, Johanne Tanquard, Johanne Du Martroy, Guillelmo Nepotis, Johanne Basini,
Guidone de Monte Fiqueti, Yvone Levis, Guillelmo Fabri, et pluribus aliis tum facultatem
constituentibus.
Comment. fac. med., I , p. 119. - JOURDAN. n° 1000.
1. Job. de Aciaco jam subbedellus fac. med. an. 1387 memoratur in Chartul., III, p. 419.
|
|
Magistri regentes facultatis medicinae an. 1408-1409 - 1408, Novemb. 3, Parisiis.
Anni millesimi CCCC octavi [die] sabbati que fuit tercia mensis Novembris post festum Omnium
Sanctorum, inceperunt magistri quorum nomina subscribuntur suas lectiones ordinarias :
Thomas de Sancto Petro.
Guillelmus Boucherii.
Johannes de Bellomonte.
Martinus Gazel.
Petrus de Aussonna (1).
Guillelmus de Camera.
Johannes de Ens.
Johannes Comitis.
Johannes Leporis.
Petrus Mioti.
Guillelmus Pelleparii.
Heinricus Pellati.
Johannes Tanquard.
Johannes Du Martroy.
Johannes Bellardi.
Jacobus Sacespée.
Heinricus Doygny.
Droco Decani.
Guillelmus Nepotis.
Nicholaus de Mola.
Oliverius Gambelini.
Johannes Basini.
Guido de Monte Fiqueti.
Johannes Casson.
Yvo Levis.
Petrus Cardonnel.
Guillelmus Fabri.
Johannes de Pisis.
Guillelmus de Gardinis.
Robertus Charmolue.
Petrus de Trecis.
Guillelmus de Busco.
Guillelmus Haro.
Johannes Beraudi.
Comm. fac. med. Paris., 1, p. 130. - Nov. 3 Johannes Casson continuatus est decanus.
Idem mag. regentes an. 1409, praeter Oliverium Gambelini, Joh. Basini, addito
in fine Nicholao Barboti (ibid., p. 144). Decanus fuit Yvo Levis.
1. Ultimum an. 1409 inter regentes nominatur, moriturus an. 1410 die festo Decollationis
S. Johannis Baptistae. Librum Galeni de utilitate partium facultati med. legavit (BERTRAND,
Annales medici. ms., p. 299). Ejus testamentum vid. ap. TUETEY, Testaments enregistrés sous
le règne de Charles VI, in Mélanges historiques, t. III (1880), p. 504.
|