La serenata

(L. Biscardi (1804-1876) – A. Tasso (1812-1869))

A la fenesta affacciate,

nennella de 'sto core;

io t'aggia di' ca spaseme,

ma spaseme d'ammore;

e cchiù nun trovo requia,

nennella mia, pe' te...

Ma nc'ave colpa mammeta;

che ttene lo penziero

de combina' li nozzole

co' quacche cavaliero:

vi' che castiello 'n'aria

chella schiattosa fa?

Lo cunto che ffa mammete

è cunto senza l'oste,

è l'aseno che correre

nun pote pe' le poste,

è bero suonno stuoteco

che lo 'mbriaco fa.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it