La sarracinesca

(Guillame Louis Cottrau – 1797-1847)

Ricciolella a ghi' pe' lo mare da li turche fuje 'ncappata.

Mann'a dicere a lo suo patre se la vole rescatta'.

Oizza! Voca! Arranca! Tre lazziette, tre sciucuaglie d'oro e coralle.

Tre spillone de perle fine 'nce avita da'!

Si 'nce vole tanta ricchezza,

a salvare la sua bellezza,

là sta bona la figlia mia: non la voglio rescatta'.

Ricciolella che lo sentette si scippaje le trezze e chiagnette.

Mann'a dicere a lo suo amante se la vole rescatta'.

Oizza! Voca! Arranca! Tre lazziette, tre sciucuaglie d'oro e coralle.

Tre spillone de perle fine 'nce avita da'!

Poco songo tanta ricchezza a salvare la sua bellezza.

Mbè me 'mpegno lo sangue mio lo mio amore aggia rescatta'.

Là pe' là comme lo dicette rezze e varca se vennette,

'nfi a lu lietto ca pe' sposarese stea scompendo allora i' fa.

Oizza! Voca! Arranca! Tre lazziette, tre sciucuaglie d'oro e coralle.

Tre spillone de perle fine 'nce avita da'!

Marenare vocate arrancate, addo' sta mò pe' mò me purtate,

e 'sta fascia che schitto me resta io ve voglio regala'.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it