|
| |
La mamma de Rosa
(Daniel-Francois-Esprit Auber –
1782-1871)
Neh venitela a vedere
li bellizze de 'sto sciore.
Uocchie belle e trezze nere,
Tutta ciance e tutt'ammore!
So li diente perle rare
comm'a chelle de lo mare; ah!
Non ve dico 'na buscìa:
quanto è bella nenna mia!
Neh venitel'a guardare
chesta vocca de nennella;
No corallo guè mme pare,
quant'è bella e rossolella!
Quanno ride, quanno parla
non me stanco de guardarla, ah!
Non ve dico 'na buscìa:
quanto è bella nenna mia!
Ma chi po' la vo' pe' sposa
l'adda tennere gelosa!
Pecchè senza di' buscìe
è 'no sciore nenna mia!
|
