e Zezi Gruppo Operaio di Pomigliano d'Arco - "Zezi Vivi" - 1996
01. Canto Saharawi
(canto registrato in un giorno di prove del gruppo musicale El-Wali
Mustafa Sayyed nel campo profughi Smara della Repubblica Araba Democratica
Saharawi [settembre 1996])
02. Omaggio
(Canto alla carrettiera - Tradizionale)
Cavallo e si m'a faje chesta sagliuta
t'accatto o pettorale e a sunagliera
A sunagliera a me nun abbisogna
vaco truvanno sacco, vrenna e sciuscelle
Me voglio ì a spusà allu Celiento
me voglio ì a piglià na quatranella
Nun me ne 'mporta ca nun tene niente
basta ca tene la fresca fontana
Me pare na palomma quanno vola
e quanno vola attuarno a massaria
(Tradizionale)
Mamma re galline mie
miettece a mana toia... a figliò
Figliò, viene a n'atu quarto r'ora
ca nun ce truove manco o patrone... a figliò
A Maronna jesce e nove
e s'arretira a calata l'ore... a figliò
Figliò, chesta nun se chiamma festa
si nun ce porte o ciore... a figliò
(Tradizionale)
Bonasera a sti signure e a chi ce sente [due]
E a sti quatte guagliuncelli ca stanno e-canto [due]
E si c'hanno o piacere e ce sta a sèntere [due]
Ce firammo e cantà fino a dimane [due]
Bonasera e cape e case e alli criature [due]
E a sti quatte belli mamme ch'hanno venute [due]
Nuje cantammo e abballammo pe ve fà onore [due]
Chest'è sempe robba vosta e v'o cantammo [due]
(e Zezi)
E fronna ro limone
nun'è tutt'oro chello ca luce
e stronze e ciuccio
so' deventate muzzarella
Io so' janche e tu si niro
ma io sto chiù a niro e te
pecchè o fuculare è scuro
scuro e niro comm'a che!
Chesti case sorde e mute
songh'e case e na palude
e sti viche arò se tremma
songhe strade e na iastemma
for'e case a luce è tanta
rint'a casa o sole è niente
Votta, và... ca mo è durata
tropp'a lluongo sta nuttata
ch'ammiscato "trista e sola"
famma, sanghe e pummarola!
Statt'in guardia... paisà
ca a "nuttata addà passà"
pe' chi avuto e nun'a rato
o tavuto è appriparato!
Io so janche, giallo e niro
comme m'adda parè a me
pecchè nun'è cosa e pelle
e ve l'avimma fa sapè!
Sta turnanno na munnezza
ch'a guardà ce fa tristezza
mentre a gente muta sta
po ritorno r'alalà...
Chistu sanghe ca mo vola
nun è zuco e pummarola
è nu sanghe ca ra tanto
o ittammo tuttu quante...
Mò p'e janche, gialle e nire
pur'a pummarola è black!
e mò s'è vestuta a lutto
pecchè e tiempe songhe brutte
ogni ghiuorno ormai è perduto
chi ce chiagne e chi è vennuto
Jammo nzieme n'ata vota
comm'è tantu tiempo fa
ca si a storia se ripete
chesta vota aimma fermà!
Jo so janche e tu si niro
..........
04. Giuglianese
(strumentale)
(Tammurriata - Tradizionale)
Ninnillo fatto cinci e fatto cianci [due]
uè vàttel' sana e và [due]
uè vàttel' sana e và chesta mala rogna
Vàttel' sana chesta mala rogna [due]
uè o male t'è arrivato [due]
uè o male t'è arrivato mpont' a ll'ogne
Ninnillo quanno a bevere me riste [due]
uè rimme rint'o bicchiere [due]
uè rimme rint'o bicchiere che m'acalaste
Chello nun fuie a bevere ca me riste [due]
uè chello fuie a ffattura [due]
uè chello fuie a ffattura ca me faciste
Si me l'e fatta tu io me la sano [due]
uè si me l'e fatta fa [due]
uè si me l'e fatta fa ci vuò ca moro
(Tammurriata - Tradizionale)
Io quanno me nzoraie ero guaglione [due]
e comm'era sapurita la mugliera [due]
E a primma notte ca me cuccaie [due]
e a me venette o friddo [due]
e a me venette o friddo a essa a freva
Auciello ro mio cumanna [due]
ì comme te ne vaje cimma-cimma [due]
E nisciuno te spia e io manco t'addimanno [due]
e manco te voglio lu bene re prima [due]
(e Zezi)
Oh, oh, uè, uè, oh, oh…
Uè uè, jammo ca stammatina
è male tempo e mare
o pesce, pizzeca, mozzeca e va caro...
Nucelle, turrone, castagne ‘nfurnate
Signò acalate, ca rimane nun ce vengo, acalate...
Pummarole, spullecarielli...
Arecheta, arecheta, arecheta, arè
uè ca tengo arecheta addirosa...
O cocco, magnateve o cocco, o cocco bello
Alici, purpetielle, o broro e vongole
Alici, Alici...
Jammo ca chesto è oro
jammo ca chesto è oro
uè, tengo l’uva ra Calabria!
(Tammurriata - Tradizionale)
Ih, quanta malatie c'aggio tenuto [due]
uè, tutte cu a tabbacchera [due]
tutte c'a tabbacchera m'aggio sanata
Io aggio saputo ca vuje a tenite [due]
uè si m'a vulite ra,
vien'accà nun t'a fa fà,
si m'a vulite ra na pezzecata
E chest'è a tabbacchera e favurite
uè chest'è a tabbacchera e favurite
uè, cercate e pazzià,
necra te nun t'a fa fà,
cercate e pazzià, nun m'a rumpita
(Tammurriata - Tradizionale)
Riavulo, riavulo stanotte [due]
uè muglierema è caruta [due]
muglierema è caruta ro scalandrone [due]
Sapisse che rummore ca chella ha fatto [due]
uè pareva o tarramoto [due]
pareva o tarramoto tale e quale
Io me sussiette e pressa a rint'o lietto [due]
e appena ca verette [due]
appena ca verette n'a canuscette
Vott'a fa juorno ca vene rimane [due]
ci'a rongo o fierrovecchio [due]
ci'a rongo o fierrovecchio pe' senza niente!
(Tammurriata - Tradizionale)
Luvì, Luvì, Luvì core re mamma [due]
e nun te lavà chiù a faccia
uè nun te lavà chiù a faccia
nun te lavà chiù a faccia c'o sapone
Tu m'è ristrutto roje funtane r'acqua [due]
e tu si chiù niro tu [due]
tu si chiù niro tu ca nu gravone
Luvì, Luvì, Luvì core re mamma
nun pazziare chiù ch'e micciarielle
e nun pazziare chiù
uè nun pazziare chiù
nun pazziare chiù ca pisci o lietto
Luvì, Luvì, Luvì core re mamma [due]
lassa sta sti patanielle [due]
lassa sta sti patanielle so p'e purcielle
Luvì, Luvì, Luvì core re mamma
nun pazziare chiù ch'e micciarielle
e nun pazziare chiù
uè nun pazziare chiù
nun pazziare chiù ca pisci o lietto
(tammurriata - tradizionale)
Uè marò, marò, marò
chesta femmena a me che bbò?
m'ha chiammato stammatina
pe se fa pittà a cucina,
m'ha chiammato ajere sera
pe se fa pittà a ringhiera
e me chiamma pura a notte
pe se fa pittà o salotto
Stammatina so' sagliuto
so' rimaso nzallanuto
che cucina ca teneva
chillu furno ce vulleva
e li mane me piglaje
cu li braccia m'abbracciaje
cu chill'uocchie me guardaje
e pe terra me truvaje
Cu na vrenzola e cammisa
io veriette o paraviso
cu na vrenzola e vunnella
ie veriette a suttanella
cu nu poco e reggipetto
haia verè che succerette
cu na vrenzola e mutanda
ce a verette tutta quanta
L'atu juorno aggiu truvato
nu cachisso nzuvarato
abbasci'o puzzo aggiu menato
na maruzza aggiu piscato
E nu mare e bive e core
stagnarè, stagname o core
stagno a rinto e fierro a fora
E nu mare annizza-annizza
pizzaiuò famme na pizza
e fammella c'a muzzarella
pizzaiuò, quanno si bella
E chi o bò nu pucurillo
tengo o latte masculillo!
Chella vecchia e Sa-Martino
'ngoppo'o culo teneva e pile
uè, e tante ca ne teneva
c'a sarrecchia se meteva
cu li-unge se-taccava
a lu marcato se purtava
uè, ma vuje che gente site
e pile e vecchie nè cunuscite?
Abbascio o puorto nun scennite
nun scennìte abbascio o puorto
chella tene o marito muorto
uh, mannaggia a chi t'è muorto
a che diavulo tiene ncuorpo
A mugliera ro barbiere
s'è mparata e fa o mestiere
cu dui sorde e sapunette
ne nzapona seie o settembre
E a mugliera ro stagnaro
a teneva sempe nera
s'a lavava e s'a stujave
sempe nera s'a truvava
A mugliera ro ferraro
se pacchèa c'o panaro
s'o teneva caro-caro
o reva sulo pe denaro
(e Zezi)
Peppeniè, Peppeniè
comme maie o viernarì
tiene sempe e schiasse mbronte
e pure o marterì e o gioverì?
... eh, oh... eh, oh...
E' overo, Peppeniè?
ca te piglie a novalgina
ca te manca l'aria fina?
... eh, oh... eh, oh...
Peppeniè, che so' sti sghizzi
nu mumento e te scapizzi,
tutt'e juorne tu te 'ncazze
ma a nisciuno rumpo o cazzo!
... eh, oh... eh, oh...
Peppeniè, sai che ce vò?
O sole, o mare, a muntagna,
a campagna, l'umbria, l'aria fina,
o viento e terre, l'evera e muro,
l'acqua surgiva, na prevula r'uva,
nu canto r'auciello, na refela e viento,
n'addore e ciardino, na viola-nfosa,
rosa-rusella e maggio,
quanno tramonta o sole,
a luce ra matina, nu cielo stellato...!
Auciello ro mio, auciello ro mio [due]
i comme te ne vaie, i comme te ne vaie [due]
i comme te ne vaie cimma cimma
(e Zezi)
Ch'amma fa, vulimmo pazzià nu poco?
voglio sentì, vulimmo pazzià nu poco?
aggio capito, vulimmo pazzià nu poco?
Aah, n'adda fa bene, n'adda fa bene... chi ce leva o lavoro... aah, n'adda fa
bene, n'adda fa bene... chi ce leva a felicità... aah, n'adda fa bene, n'adda fa
bene... chi ce leva a muntagna!
Ah... ah... A... E... I... O... U...
Aah, n'adda fa bene,
n'adda fa bene... chi s'ha pigliato
a pullanca e mamma mia, e nun ma rà!
Uè, ih quann'era bella
chella pullanchella e mamma mia
faceva l'ove a sera e a matina
... a mammà ce piaceva
soltanto o bianco e ll'uovo
pecchè orrusso... ce faceva male
a vicchiarella... suffreva e fegato...
Non so se voi vi ricordate, ma chilli ca teneno l'età mia si ricordano, rint'e
paise - primma erano tutte massarie - e pullanchelle se canuscevano: uno vereva
a pullanchella, riceva chesta è a pullanca mia. Mò quanno s'arrubbavano a
pullanchella e mamm mia, primma di tutto si chiammava Pascalina - a pullanchella
e mamm mia, meglio che o sapite - allora quanno trasettero e pulle rint'o
pullaro a sera e ce mancava na gallina, a jeva truvanno, allora girava
massaria-massaria e faceva: coccodè, coccodè, coccodè: "Uè ronna Maria, ate
viste a Pascalina?" - "Ma chi è Pascalina, a figlia vosta?" - No, è a
pullanchella mia! Coccodè, coccodè, coccodè..."
Ah, se l'hanna magnà 'ncopp'o lietto
... piccie, piccie, piccie
Ambariello vivo comme zompa,
comme zompa, comme zompa! [tre]
(e Zezi)
Si' monte sì, ma monte
e na iastemma
si' a morte sì, ma a morte
ca po' tremma
Muntagna fatta e lava
e ciente vie
tu tiene mmano a te
sta vita mia
So' pizzi e case
o so' pizzi e galera?
arò stai chiuso
ra matina a sera
Si' o purgatorio e tutte
chesta gente
ca vive int'e baracche
e vive e stiente
Si fumme o si nun fumme
faie rummore
è o ffuoco ca te puorte
rint'o core
Quanno fa notte
e o cielo se fa scuro
sulo o ricordo e te
ce fa paura
Chi campa 'nzieme a te
te pare niente
si esce pazzo
è pazzo overamente
L'unica verità
pe tutte quante
sarria chella e fuì...
ma po' arò iammo
primma ca cocche ghiuorne,
doppo tante
stu ffuoco e lava
ce porta a tuttu quante
mmiez'a via!
(e Zezi)
Viernarì unnice aprile
a Sant'Anastasia
nu tratto nu rummore
sentiette e che paura
E a Massaria e' Rumano
na fabbrica è scuppiata
e a ggente ca fujeva
e ll'ate ca chiagneva
Dint' vuliette trasì
me sentiette e svenì
nterra na capa steva
e o cuorpo n'o teneva
Cammino e che tristezza
m'avoto e 'ncopp'a rezza
dduje pover'operaie
cu e carne tutt'abbruciate
Quanno arrivano e pariente
e chilli puverielle
chiagnevano disperati
p'e lloro figli perdute
"Signò nun alluccate
ca forse s'è salvato"
e a mamma se va a vvutà
sott'a terra o vere e piglià
So' state duricie e muorte
p'e famiglie e che scunforto
ma uno nun s'è truvato
povera mammma scunzulata
So' arrivat'e tavute
e a chiesa simmo jute
po' l'urdemo saluto
p'e cumpagne sfurtunate
P'e mane nuje pigliammo
tutti sti telegrammi
so' lettere e condoglianze
mannate pe crianza
Atterrà l'ammo accumpagnete
cu arraggiaria ncuorpo
e 'ncopp'a chisti muorte
giurammo ll'ata pavà
E chi va a faticà
pur'a morte adda affruntà
murimmo a uno a uno
pe colpa e sti padrune
A chi ajmma aspettà
sti padrune a cundannà
ca ce fanno faticà
c'o pericolo e schiattà
Sta ggente senza core
cu a bandiera tricolore
cerca r'arriparà
tutt'e sbaglie ca fà
Ma vuje nun o sapite
qual è o dulore nuosto
cummugliate c'o tricolore
sti rurice lavoratori!
(e Zezi)
Io, Vincenzo Esposito
nato, crisciuto e pasciuto
sott'a stu cielo vennuto
pe mia grande sventura
nacqui...operaio!
Sti scale ro palazzo
e faccio ogni matina
so quasi quinnice anni
manco iess'a ghigliottina
Comm'a mme, simme miliune
stammo sotto a sti padrune
fanno e tutto p'annasconnere
ca sta vita è na galera
Stammatina int'o piazzale
stanno tutti quanti a fora
!Pascà, ma ch'è succiesso?"
"Iammo a Cassa Integrazione
... e in Mobilità!"
"Sicuro va Nicola,
cu pascale e Giuvannino,
va Gargiulo cu Totore,
va Giggino e Imperatore!"
Nun è na nuvità
ce o diceno ogni sera
ce 'ntossecano o magnà
cu mille tiritere...
"E ringraziate a Dio
che ancora lavorate
penzate a quanta gente
ca vive di espedienti
Sta nata recessione
acalateve o cazone
pavate a chisto e a chillo
ca rimane vene o bello!"
Ci'âte abbuffate e recchie
ministri e specialisti
cu tutte sti scufecchie
è na cantata a muorto
E fabbriche so mute
e a gente è arruvinata
ma nun ce rassignammo
luttammo e nun chiagnimmo
Sta classa padronale
è na banda e criminali
pe mantenerse a galla
vanno cuntanno palle!
Buciardi esfruttaturi
hanna cagnà mestiere
e chello ca prugettano
peggiora a situazione
Pe tutti sti guagliune
nun è na soluzione
chiammarli a faticà
pe' manco nu milione
E' certo nun è giusto
si a miette in discussione
ca licenzianno e femmene
liev'a disoccupazione
Arò ve songhe asciute
sti cose micidiali:
o "prepensionamento"
e "affittasi operai"
Ra dignità ra ggente
loro nun sanno niente
di lotte e di scontento
nun ce ne fotte niente
Sta classa padronale
è na banda e criminalì
pe mantenerse a galla
vanno cuntanno palle...
la la la, la la la la la
la la la, la la la la la
(e Zezi)
Alenia, Alenia, Alenia
a nu mumento a n'ato
o mare s'è agitato
Alenia, Alenia, Alenia
a nu mumento a n'ato
o mare s'è agitato
Italsider, Sebm, Fincantieri
l'hanno vennuta aiere!
Circumfer, Raccorderie
so' gghiute miez'a via!
Indesit, Sulcis, Maserati
Indesit, Sulcis, Maserati
Sofer, Deriver, Montefibre
Sofer, Deriver, Montefibre
A - a - a - a - le - nia!
O padrone a fine mese
tene sempe a busta appesa
l'operaie e vintisette
manco e sorde pe sigarette
Aumenta o pane e a pasta
aumenta a mericina
e pure stu guverno
è overo na latrina
Se pigliano e tangenti
ce levano a contingenza
e chesta è a soluzione
jammo a cassa integrazione
E posa e sorde, posa e sorde, posa e sorde
mariuò, mariuò, mariuò
pos'e sò, pos'e sò, pos'e sò
mariuò, mariuò, mariuò
pos'e sò, pos'e sò, pos'e sò
posa e sorde... mariuò
... mariuolo!
(tradizionale)
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me manca la vesticciolla
Chill'o monaco sentette
e a vesticciolla le facette
Chill'o monaco sentette
e a vesticciolla le facette
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me mancano li cazette
Chill'o monaco sentette
e li cazette le facette
Chill'o monaco sentette
e li cazette le facette
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me mancano e scarpetelle
Chill'o monaco sentette
e scarpetelle le facette
Chill'o monaco sentette
e scarpetelle le facette
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me manca lu sottanino
Chill'o monaco sentette
e o sottanino le facette
Chill'o monaco sentette
e o sottanino le facette
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me manca o reggipetto
Chill'o monaco sentette
e o reggipetto ce facette
Chill'o monaco sentette
e o reggipetto ce facette
Figlia mia mò jesce o ballo
Mamma mamma nun pozzo ascì
Figlia mia pecchè pecchè
Je nun pozzo accumparè
E dimme che te manca [due]
A me me manca la mutandella
Chill'o monaco sentette
e a mutandella le facette
Chill'o monaco sentette
e a mutandella le facette
E dimme che vuò chhiù
uè dimme che vuò cchiù
je mò voglio i nnammurato
Chill'o monaco sentette
e 'nnammurato se facette
E a mamma tutta priata [due]
a vist'a figlia ncannacata
E a mamma tutta priata [due]
a vist'a figlia cu o 'nnammurato
(e Zezi)
Vonno purtà p'o munno
l'idea e nu progresso:
hamburger, macchinoni
sapone pe' lavà o cesso
"Accattateve uno e tutto
facite e capriole
lassate sta e prublemi
penzate a cunzumà!
Cantateve e canzoni
fatevi una famiglia
sognate notte e giorno
i viaggi organizzati!"
E questa è la ricetta
dei Grandi del Gi-Sette
e a chi nun è daccordo
a guerra a fanno già!
All'anema re GRANDI
PAESI CHIÙ AVANZATI
cu stu sistema vuosto
o munno sta murenno
So' loro e SCHIATTAMUORTE
di questa società
DISTRUGGONO, LICENZIANO
l'umana dignità
So' loro e o CAPITALE
ca se n'hanna ì a fa nculo
s'adda cagnà sistema
So' loro e CRIMINALI
ca ce LEVANO o pane e ll'aria
se ZUCANO o sanghe nuosto
e manco chesto nu' l'abbasta
Ce stanno tanta case
s'e teneno sfittate
pe' tanta povera gente
BARACCHE e PAGLIARIELLI
Ce sta tantu LAVORO
ma nun c'o vonno rà
miliardi e gente o munno
a panza s'adda rattà
So' loro e CRIMINALI
ca ce LEVANO o pane e ll'aria
se ZUCANO o sanghe nuosto
e manco chesto nu' l'abbasta
..........
..........
