Avanti che nem tuti a vendema
che belo!
star tuto el giorno ensema!
le piche le è grose e sane
l'è stà na bona staion.
Le zeste,
le se empienise svelte.
Canten 'na canzon d'amor
così el se gode anca el cor.
Ala sera che stracheza!
fa male tuti i brazi
ma gh'è 'na gran contenteza
el lavoro el prozede ben
forsi en te 'na stimana
a finir ghe la fen.
Duman bisogna mostrar
a turno sul brenton se deve star.
Le putele co le so corte braghete
Pestè! Pestè!, forza con cole gambete!
Le done cola vesta
empicà su co 'n ucia
de sicureza
le para el so gian empresa
e le mosta l'ua.
I omeni i le travasa,
dal brenton a la bote.
Gh'è en profumo de mosto
che el va' par tuta la contrà
e tanta alegria el dà
se è ciuchi senza bever
vegnì a veder par creder!
La vendema la è così
Tanta zente la mete en moto,
e la corona
le fadighe de tuto l'ano.