Na logia de mureti e vanezote,
de s'ciofi de zesoni e stradelote,
el Forte de Pozacio su chel varda
i pézi e i laresi de la Val Granda,
e 'n bas el Lem che 'l rosega sul fondo
l'è de Valmorbia nossa el picol mondo.
Valmorbia,
en grop de case greze
con tanti pontèsei che ciàpa el sol
con tante strissie de vaneze
en do che i canta e i sgoba 'nfin che i vol
Va fòr la grassa a slite co la bena
E ven dent l'erba a carghe su la schena,
en s'ciap de puteloti verso sera
i ven dal campo e i core a la coriera,
e i studentéi i torna a le so case,
e po' gh'è tanta paze che ne piase.
Valmorbia cara al cor per l'altra guera,
co la to cesa e tante case en tera,
ader te fermi el forester chel varda
sul Zugna, sul Pasubio o'n la Val Granda,
e ghe ven zo do lagrime dai òci
pensando ai morti, e trema i so dinoci.