'Ngualnote en Valarsa
el sole el se 'nbusa
driò l'òro de 'n spiséche
la luna la le ténde fora
e desigual che lù sparìse
la ven sù dal carpentàl
a ònza a ònza
le stele a palpòni
le va a pitocàr
en poco de lustro
par poder slusegàr
e sbregàr col negro
che 'npirola la vale,
no'le gà gnancor capìo
che tuto d'en boto
se 'npiza mieri de lumini
par tuta la valada
e che la note la narà a sparir
par lasarghe el posto
ala luce de l'avenir
de n'altro dì.