En popo propi belo biondo e gufatelo
cole so manòte picolòte al vol tor su i fiori.
El tira, el tira el cava su anca le arise,
volaria criarghe, dirghe:
"no, no stà far così". Sento mal par lori
pori fiori!! Laseli en tel prà
no i dumanda gnente.
Tuto fiero el va col so mazeto
ghe vao drio coi oci,
poco distante gh'è en capitelo
dedicà a la Madona el ghe porta i fiori
po el scapa via.
Come col popo volaria eser.
Come en prà pien de fiori
volaria che fuse el mondo.