'na GRANDE FAMEIA

C'era una volta……,cosi' cominciano le storie e cosi' comincia anche questa storia vera
che solo la magia della Vallarsa ha reso possibile

Ghera na volta n'a volta en paesotto con quattro case sgangherae e tacae una sora l'altra , mezze rovinae dalla prima guerra mondiale , la Corte dei Raossi coi so porteghetti , pareva quasi en presepio …'na fontana , el Becher (il macellaio ) qualche vacca do galline do cunei i colombi e l'asinello , l'era abita' dalle Famiglie dei Copo dei Marzadro dei Ballerini , dei Busa dei Croati del Rosso e de altri che no ricordo el nome.
'Na mattina del 22 Gennaro del 49 verso le nove , en casa del Vittorio (El Rosso), so sposa la Anna la se gha messa a zigar , l'era riva' el momento… be se sa' che dopo nove mesi le donne le partorisce , el Vittorio agita' el gha manda' la fiola pu granda la Oliva a ciamar la Pierina del Lino Busa e de corsa verso i Anghebeni a zercar so sorella Ersilia che la feva la comare.
Senza aspettar nessuni el Giacomin le salta' fora urlando…. Son qua'!!! son qua'!!!
e la Anna la pianzeva dalla contentezza , le tre sorelotte, la Oliva la Bruna e la Marisa intorno al letton le salteva cantando le' nato…. le' nato ….
Quando el Vittorio l'e riva' con so sorella a casa el ga' visto che dopo tre putelotte ghe' nato en putelotto el se gha' ciapa' na bala che la e' dura' quasi tre di (de solito nol bevevo mai).
Alle ondese su en ciesa, ai Raossi , celebra' dal mitico don Giuseppe Cumer se gaveva sposa' la Gina maci , quella dei gelati , l'era na bellissima coppia e quando la trovo la me conta sempre de quella giornada : el fiocheva de bruto , dopo messa mentre tutti i me tirava el riso, fra tanti battiman,qualcun el me ga' dito ...che giornata fortunata,ti te sei sposada e la Anna de la Corte dopo tre fiole la gavu' en maschietto, el Vittorio l'e quasi 'nbriago dalla contentezza auguri a tutti e tre.
Se sa' che la fortuna la va' e la ven , purtroppo la Anna la se gha malada de esaurimento….
la era sempre triste , no la se alzeva pu dal letto le putelote premurose le zercheva de aiutarla ma l'era sempre pezo , no la ghe deva pu da magnar gnanca al popo tanto che el se gaveva mala' anca lu .El Vittorio nol saveva pu cossa far, el ga ciama' el medico e purtroppo con tristezza e dolor ghe vegnu' i carabinieri a portarla a Perzen al manicomio .
Na disperazion, , col Giacomin no i saveva cosa far l'era massa piccolo per el collegio , ma se sa' che la zente della Vallarsa la e' generosa e 'na sposetta (el colmo l'e' che no so neanca el nome ,) so' solo che l'era la mamma del Ferdinando ( el Ferdy) la le gha tolto en casa come fosse so fiol anche se la ghe ne aveva za' uno piccolo.
Forse la fortuna l'era girada nel verso giusto…….. ma dopo do mesi la se gha malada e la gha' lassa' sto mondo ingiusto e nel dolor grande de so mari e del piccolo Ferdy.
El Giacomin le torna' alla Corte a casa , 'ndove le donne vizine le zercheva de far qualcossa .
El fradelo del Vittorio el zio Bonfilio el le ga' porta' a Sottoriva en po de tempo almen fino a quando no se trovava 'na soluzion e la Marisa le e' nada da l zio Tiglio ai Anghebeni
El Vittorio l'era triste ma el ghe voleva en gran ben ai so fioi , el neva a trovarli a pe' tutte le settimane . Dopo en po de tempo la Bruna e la Marisa le e' nae en collegio a Sacco e la Oliva a Verona , ma per el Giacomin no se trovava na soluzion..se sa che l'e sempre sta' en po'rompiscatole……



Ai Cumerlotti de fronte a Sottoriva la Mabile Cumer la ga' sentio parlar de en puteloto de la Corte che nol trovava casa e la e' nada a vederlo , l'era 'na donna pia e devota con tre fioi za' grandi sui vinti anni , Pierino, Carmen e Teresina..'na sera insieme a so mari Massimino la le ga' ciamai e la ga'dito: senti putei , qua' per guadagnarse en posto en paradiso bisogna far na opera de ben .Ghe' en puteloto che el se ciama Giacomin , el ga' disdotto mesi, son na' a vederlo a Sottoriva e mi col pupa' gaven deciso de torlo en affidamento , spero che anca voialtri sare' d'accordo.
A lori trei no ghe pareva vera , specialmente al Pierino che l'era en bel zovanotto , pronto da morose ma che ghe piaseva da mati i putelotti piccoli.
E la fortuna l'e girada ben finalmente anca per el Giacomin.
Le Putele , el Pierino i le coccolava, mentre la Mabile con el so far burbero la ghe voleva en ben de l'anima anca se la diseva : ai fioi bisogna volerghe ben ma no farghelo veder .con l'assenso del Massimino
L'e sta' dei anni meravigliosi, magro, esile ma forte, con do gambette che pareva do stuzzicadenti
el Giacomin fra na panada e na mosa el cresceva sempre de pu ( en altezza pero')
La Mabile l'era deventa' la mamma Mabile, el Massimino el pupa', ma ghera anca el pupa' Vittorio che ogni settimana el vigniva a pe' dalla Corte ai Cumarlotti a trovarlo e i ghe diseva che all'ospedale ghera anca 'naltra mamma la Anna, zerto che l'era proprio fortuna', con do pupa' e do mamme, el zio Pierino , la zia Carmen e la zia Teresina proprio 'na granda Fameia.
Dopo zinque anni la Mabile col Giacomin la e' na ai Raossi al Consultorio e la Signorina 'encaricada la ga' conta n'a storia triste : alla Valduga 'na giovane mamma, la se ciama Pierina le' restada vedova con do puteloti una de do anni e uno de do mesi ,la doveva laorar per mantenerli e no la saveva come far, la putelota la se ciama Wilma la le tigniva la nonna, ma el popo el se ciama Maurizio ,l'era massa piccolo e no la savea come far ,la zercheva 'na fameia per darlo en affido.
La Mabile con n'altro gesto de granda generosita' la ga' deciso de torlo en affido e do mesi dopo nel mese de Febbrer ghe riva' la Pierina co sto fagottino urlante …el Maurizio.
Al Giacomin no ghe pareva vero en fradelotto da zugar, el le ga' tolto sui zinoci , el Maurizio come primo dispetto el gha fatto na bella fifolada bagnandolo tutto fra mille ridae de tutti.
El Giacomin che al quell'eta' l'era curioso el gaveva visto che el Pierino quando el vardeva la Pierina el deventeva rosso come se el se vergognessa… mahh….misteri della natura.
Dopo en po de mesi i se ga 'nnamorai e sposai e el Giacomin el ga' trova' naltra zia , la zia Pierina che dopo il matrimonio della Carmen e della Teresina e della malattia della Mabile l'e deventa' la so nova mamma e lu l'e' sarea diventa el fradello pu vecio . de tutti i so fioi.
la Wilma la e' vignua a abitar ai Cumarlotti e come primo regalo la ga' rotto la bambola de gesso del Giacomin che 'l ga' fatto en bel begon.come inizio non male .Dopo ghe' nato el Carlo Antonio la Maria Teresa ed infine quando el Giacomin el gaveva quindese anni la pu coccolona la Giliola.
Chi ben se somena ben raccoglie , cossi' la disea la Mabile e sicuramente la se ga' guadagna' insieme al Massimino e al Pierino en posto speciale en Paradiso, ma no la podea enmaginar che el so cor cossi grando el gavarea porta' tanta fortuna e tanti nevodi anca alla so Fameia
Quando penso a questa storia che e' la mia storia, mi commuovo e penso che se il mondo fosse fatto di gente come la mamma del Ferdy , la Mabile, il Massimino , lo zio Pierino e la zia Pierina sarebbe migliore, la sfortuna ed il dolore sarebbero leniti dall'amore delle persone buone come la gente della Vallarsa , umile , semplice ma con un cuore grande cosiiiiiiiiiiiiiiiiiiiii



Sartori Giacomo