I Cumerlotti de 'na volta
Una poesia di Giacomo Sartori
dalla ca' de la gigia te sei passa'
ancor do passi e te sei riva'
do case ,'na strada, 'na curva 'nrabiada
qualche moto li la se ga' 'muciada
en bel salisa', 'na allegra fontana
donne a lavar camise e sottana
quatro case posae su 'n dosso de prea
'na bela cartolina propri le crea
al caldo le ten la so zente
d'inverno quando no la fa' niente
tre porteghi per passar coi carretti
a pe' per la fabrichetta stretti stretti
'n autunn profumo , mosto de fraga
che a snasar quasi el te 'nbriaga
sotto al paes da 'na vecia sorgente
d'ista' acqua fresca per la zente
'na volta l'era pien de abitanti
adesso no i e' pu cossi tanti
no i va' via , i e' restai per amor,
i ga' chi la casa e anca el cor.
ricordo s'tiani che i putelotti
i zinzoleva con barosole e barosolotti.
l'aria i 'npieniva de zighi e cantae
i veci de ciacere e brontolae.
Bruno, Fabio , Giacomino e Valentina
Bruna , Damiano , Renzo, Sandro e la Dina
Giorgio, Maria Teresa el Carlo Antonio
i fea sempre en gran pandemonio
Gigliola , Wilma , Maurizio e Palmina
che adesso l'e deventa' suor Marina
'n giro per el mondo tanti i e' nai
ma sempre qua' dopo i e' tornai
a scoltar 'nsieme sta aria 'ncantada
par che la sona na serenada.
sgalmere,braghe corte, panada e fregolotti
ecco qua', questo l'era i Cumerlotti