Do raìse de murèr
le ghé fa da cùna a na Madonina,
postada lì za e ani
dale man de ‘n cristian.

Altre man de sigual
le gà zontà ‘n angioleto
e altre ‘ncor le ghé slonga via
do fiori ogni tanto.

L’è ‘n capitel cossì... ala bona.
Cressù come de strabauz,
senza ‘l visto dela curia
e gnanca la benedizion del prete.

L’è cossì diverso da quei veri
(staifel, de préa,
co’ la Madona ‘mpiturada
e i santi dale bande
driti come giandarmi)
ma a mi ‘l me par pù s-cèto.

Cossì me fermo sempre se paso de lì
e ghé la digo su ‘n orazion.
Ghé la digo, de strabauz,
anca mi che no son en bon cristian.
Come che la ven, dal cór,
en orazion cossì...

ala bona anca quela.

Fabrizio Piazza