Come acqua… che slìpega via
Una poesia di Fabrizio Piazza


No te poi fermarla… l’acqua.

Vàrdela!
Sbrissiar sui cópi quando ‘l piove,
corer zo per le rìndole,
rigolarse ‘n dei curaci e le róze
e nar a finir en del Len.

Vàrdela narghe zo per le rece
a quei che camina.
Anca se i ga le ombrele vèrte
i se miza lo stesso,
no se pol farghe gnente
quando ‘l piove forte.

E cossì l’è l’amor.

Vàrdelo
sbrissiar sule ponte dei déi,
slìpegar sula pèle
e zugar en dei cavèi.
Rider coi oci che sluse
‘n del carezarte la schéna.

No te poi fermarlo.
Se tel voi…
Te poi lassar che ‘l te porta via
zò per i so curaci e le so róze.

E se no tel voi…
Come l’acqua
lassar che ‘l slìpega via.





Segnalata alla 22° edizione del concorso di poesia "Giuseppe Caprara" - Ala TN - ottobre 2008

---

www.vallarsa.com > Indice > Arte e Cultura > Come acqua… che slìpega via