PIEROMARRAS 1995 Tumbu |
|
ISTRALES TRUMAS B'AT UNA FEMINA... ARMIDDA BOE MULIACHE CANTADE E BALLADE BOIS SA 'OGHE 'E MARIA S'ANZONEDDU BAE LUNA ARDIA
|
|
Prodotto da PIERO MARRAS, ALBERTO e PAOLO ERRE per RBS - BLU STUDIO ROCKHAUS - Sassari
Registrato e mixato al BLU STUDIO ROCKHAUS di Sassari da ALBERTO ERRE Programmazione computer: PAOLO e ALBERTO ERRE
Musiche ed arrangiamenti di PIERO MARRAS
I testi: Istrales, B’at una femina, Cantade e ballade bois, S’anzoneddu sono di PIERO MARRAS Sa oghe ‘e Maria sono di PIERO MARRAS – PAOLO PILLONCA Trumas, Armidda, Boe muliache, Ardia sono di PAOLO PILLONCA Bae luna è di FRANCESCHINO SATTA
Hanno suonato: ANTONELLO "Compress" CORADDUZZA: chitarra ROBERTINO DEIDDA: chitarra SALVATORE SCALA: chitarra etnica PAOLO COCCO: basso LORENZO SABATTINI: contrabbasso GIAN PAOLO CONCHEDDA: batteria PAOLO ZUDDAS: batteria MAURIZIO PUXEDDU: launeddas PIERO MARRAS: piano, tastiere, hammond, fisa
Hanno cantato in "B’at una femina…" e "Boe muliache": I TENORES DI BITTI
Cori di: BARBARA SANNA, FRANCA SANNA, ROBERTA USAI, RITA CASIDDU LISA ANGIOLINI, ANDREA DESOLE, MARIO CHESSA, SALVATORE SCALA GIACOMO DORO, ANDREA PODDIGHE Voce filastrocca in "Armidda" di FEDERICA SALIS
Segretaria di produzione: SANDRA MAROGNA Grafica di ELISABETTA PORCU per Edigraph Fotografie di MARCO CERAGLIA per Punto & Basta
|
|
SARDOS
(Pieromarras) Un'Istrales a sos cumpanzos chi cumpanzos non sun prusu como attenden sos istranzos cara a terra e fundu a susu.
Un'Istrales a sos cumpanzos chi non nlassen su masone e una bella surra 'e punzos gai torramus a cumone.
Un'Istrales a sos cantores de su binchidore nou razza mala 'e brincadores chi in tottube faghen s'ou.
A sos battor moritteddos chi los truvet s'istoria che puntorzu a sos poleddos gai lis torrat sa memoria.
A sa corte prinzipale chi sos Sardos cheret mudos chene limba naturale gai non semus limbudos!
A sos omines de nudda sos chi furan sa zente chene coro e chene tudda furan puru s'innozente.
Un'istrale a tie cumpare disizosu e abramidu chi pro fagher su dinare fintzas s'anima es futidu.
Un'istrale a tie cumpare e unu raju mannu mannu cun s'inferru a murrapare chi t'accaten intro s'annu.
Ammentaebos cuss'istrada cuss'istrada 'e malasorte chi Feliza es' numenada sinde riet puru sa morte.
Ammentaebos cuss'istrada ammentaebos sas ruches bos amparet sa torrada Deus in nottes chene luche.
Binde cheren de cosinzos e la currere sa vida tra suore e pistichinzos isettende sa bessida.
Binde cheren de cosinzos ma b'at chie, sende sinzeru, custa vida de maschinzos l'es currende iscurzu a beru.
|
TRUMAS
(Pieromarras)
"Una frunza 'e murta ti ponzo pro ammentu como pesa e iscurta sas boghes de su entu
Cando no t'an a lùghere sole, luna e isteddos issas ti c'an a jùghere sos rànchidos faeddos."
Sas animas de totu sos mortores las truvan sos diàulos a trumas: sos prinzipales cun sos traitores suta sa temporada paren grumas.
Parizzos in diliriu de ochire s'anzone los tenia a inghìriu che canes a murone.
It'est chi lis at rendidu a mi mkuzzare s'ala? Totu sos chi m'an bendidu an tentu sorte mala.
*Ammentu de Samuele |
B'AT UNA
FEMINA...
(Pieromarras)
Tue chi ses caminende tue maccu chi ses andende tue semper mesu cottu limbidu tue babarrottu.
Tue fizu 'e malasorte babosu jacan 'e corte connottu "mezzus nudda" tue bambu tue chene tudda.
In custu chelu nostru sas umbras t'inghirian e imbruttan sa luna de sambene feu In custu mssu 'e arveschida un alidu 'e luche t'at a indurcher su coro e fotzis s'anneu.
B'at una femmina isconsolada mancari siat dae tottus disizada nemos la cheret coiubare.
E b'at un omine in custu mundu chi su distinu juchet a ballu tundu e galu sichit a ballare.
Babbu sa burumballa est ora de l'imbolare b'at omines de brulla ch'in sardu cheren cantare it'est custu burdellu ch'intendo fintzas inoche Babbu, a bellu a bellu furadu mic'an sa oghe
In custu chelu nostru...
|
ARMIDDA
(P. Pillonca - Pieromarras)
Su nuscu 'e s'armidda a luleare est unu bonu ampàru: s'ammentu e sa 'idda deo gai l'intendo finamentra prus giaru.
Su sonu 'e su 'entu a l'iscurtare est una 'oghe interis sos bisos d'ausentu: sos sentidos sun de tando che deris.
Tue prende donosa bell'ammaju chene anneu tue che mariposa coro meu.
Tue cari-galana de natura bell'impreu: s'isprantat sa jana fintzas Deu.
Su nuscu 'e s'armidda su manu tua chi mi che leat su dolu che un'ischintidda in su manzanu fritu fritu noitolu.
Tilicherta tilicherta mama tua est in cherta babbu tuo est morinde tilicherta baetinde.
Tue prenda donosa.....
|
BOE
MULIACHE
(P. Pillonca - Pieromarras)
A s'iscuru Compare mi che ortat in boe borro che- i su mare e gherro a malu proe.
Muliende in carrela sas feminas si trèmene grogas che-i sa tela: "Malaitu su sèmene".
Cando m'arveschit die soe unu cristianu sia chi fetat nie o sole su manzanu.
Ma cando torro a Cuddu sos balentes si trèmene sa pedde a tuddu-tuddu: "Malaitu su sèmene".
No m'ammento ne tempus ne logu cand'intro cun dimonios in giogu.
|
CANTADE
E BALLADE BOIS
(Pieromarras)
Donzi abba curret a su mare donzi logu a s'ammentu umpare donzi populu a sa libertade a sa libertade.
Donzi tempus torrat a s'istoria donzi identitade a sa memoria donzi cara torrat a su coro orrat a su coro.
"Cantade e ballade bois ca sos ballos un sos bostros cand'ana a bennere sos nostros amus a ballare nois".
At a fagher lughe su matessi a bessire unu sole nessi semper cras at a sighire a oe a sighire a oe.
Muda in chelu sa matessi luna muda no' at a esser fortuna donzi notte l'amus a ischidare l'amus a ischidare.
"Cantade e ballade bois"...
FIzos de sa rocca e de su entu fizos ch'est accanta su momentu chi mustramus s'anima a cumone s'anima a cumone.
Mamas de lentore e de traschia mamas de dolore e de allegria app'a cherrer basos in sos chizos basos in sos chizos.
"Cantade e ballade bois"...
Cori: Ocros de luna Zirat sa fortuna Ocros de dolu Como ses in bolu Zirat sa gherra Como ses in terra
|
SA
'OGHE 'E MARIA
(Pieromarras - P. Pillonca - Pieromarras)
Sa lunas istanote in chelos d'anneu: sa mala fortuna est contras a Deu.
Sas fozas d'olia no rezen su nie: est una traschìa de die pro die.
Sa 'oghe 'e Maria est una ninnia: su nìnnidu lentu ammajos d'ammentu.
Olvìdat s'anneu su pòpulu meu.
S'ammentu si ch'andat che abba in su riu sa vida non colat che raju in s'istiu.
Sucutosa de lughe in s'oru 'e sa nue: su sole che jughe in chelu totue.
Sa 'oghe 'e Maria......
|
S'ANZONEDDU
(Pieromarras)
Zertu no' est istadu zenerosu su distinu' raju, cun s'isposu unu corfù e balla in mesu 'e fronte eris a sa festa de su monte.
Forzis in cust'ora malaitta b'at chie già as' pessende a sa vinditta forzis su chi juches in sa brente dedda dedda isposa mea caente.
Millu millu millu s'anzoneddu fizu, coro 'e mama s'iscureddu su chi non la passat gai 'e su cane issu l'at connottu su mariane.
Millu millu millu s'anzoneddu battor istoccadas de 'urteddu tando est cumbinadu chi un anzone gai at iscannadu una pessone.
Fizu fizu fizu de su coro beni a inoche fizu pilos d'oro a doic'annos s'anzoneddu 'e mama juchet già de s'omine sa fama.
|
BAE
LUNA
(Franceschino Satta - Pieromarras)
Istanotte bid'hapo in su sonnu su chelu luchentede bramas d'affettu comente sa luche 'e su coro.
Bid'hapo pizzinnos jocande in gruttos e in prattas de sole. E a zaja in sa janna, e mammuttu, filande iscarpittas de lana. E a mama, galana, cosinde corittos chin filos de brama.
Bid'hapo pasteras, funtanas; puzones a pore in ramos de mendula in frore; e isposas cantande in su ribu.
Bae luna allughemi sa vida Bae luna allughemi su coro diat esser bellu, luna innoche a morrer goi.
Bid'hapo bezzedos in foras, contande de cando, pizzinnos a zarra, andaban a mura in fattu 'e sos rubos paschende in campuras cabaddos e zubos e sònnios de groria.
Bid'hapo - l'amento a memoria - su mundu pizzinnu, serenu, tranchillu.
Penande sa brocca de s'abba colada, bid'hapo cumpanzos corales chi commo non sunu.
Bid'hapo ghirande, a s'intriginu, a babbu, in artu, in su carru, tra sèghedes d'oro, de brassamu tintu, sa cara luchente 'e sudore, alligru e serenu, cantande a murmuttu cantones de pache e d'amore.
Bae luna...
Cori: Mama nostra De sos chelos Amparade nos in terra Como e semper goi
|
ARDIA
(P. Pillonca - Pieromarras)
Ispuntat sa Prima Bandela suore e piue a nues: cun s'ebba isteddada no rues ca pregat Comare Manzela.
Sa Prima Bandela at poderes: no balet peruna pariglia, isorta est de s'ebba sa briglia pro su chi disizaz e cheres.
Santu 'Antine Mannu ampàra sos pitzinnos chi non connoscan sinnos de amargura e dannu.
Sun bramas de unu mamentu su caddu ti jughet a bolu e subra sa sedda ses solu parende sa cara e su 'entu.
Colores de rosas in s'aèra in chelu una nue minninna s'interghinada 'e ispera ti tinghet, o bella pitzinna.
Santu 'Antine Mannu.....
|