. 1
A bolia i marzu,
trasi 'nto cornu u boi.
. 2
A bucca è 'n'aneddu,
si mangia un fevu
e un casteddu.
. 3
A casa du lastru
non ridi sempri.
. 4
A ccu mi vidu o me capizzu
ci lassu u me sfiruzzu.
. 5
A ccu travagglia: a sardina;
a ccu non travagghia: a iaddina.
. 6
A cità ti civa.
. 7
A corda è ruppa, ruppa
ci va 'nto menzu
cu no ci cuppa.
. 8
Acqua di rocca
e nnicchiu di zoppa.
. 9
Acqua e zappudda
fannu cipudda.
.10
Acqua i sirinu
non inchi jsterna.
.11
Acqua passata
non macina mulinu.
.12
A cunfidenza ieni patruna
da mala crianza.
.13
Ad aprili non livari
e non mittiri,
a maiu comu vaiu, vaiu.
.14
A faciti beni porci
e limosina e parrini.
.15
A figghia 'nta fascia,
e a doti 'nta cascia.
.16
A fimmina chi ridi
non cci haviri fidi.
.17
A fimmina zita
è menza sistimata.
.18
A fimmina di poca cura
si rimina quannu scura.
.19
Ahi, ahi, chi muggheri chi capitai:
ci ccattà la ugghia e lu filu
nonle vistu cuciri mai.
.20
A iaddina chi camina
s'arricogghi cca bozza china.
.21
A iaddina fa l'ovu,
e o iaddu ci brucia u culu.
.22
A iaddina si spinna
quandu è morta.
.23
A iaddina vecchia
fa bon brodu.
.24
A 'mprima entrata
padiddata.
.25
Aiutiti
chi Diu ti aiuta.
.26
A lingua non havi ossa
ma rumpi l'ossa.
.27
All'ortu e o mulinu
vacci di matinu.
.28
A lustru di candila,
nè fimmina nè tila.
.29
Ama Diu
e futti o prossimu.
.30
A mala erba
non ssicca mai.
.31
A mari vantatu
non iri a piscari.
.32
A muru basciu
ccu arriva ranca e piscia.
.33
A matinata fa iurnata.
.34
A mezz'austu
cala ogghiu, meli e mustu.
.35
A mezzu mangiari
baccu a pigghiari.
.36
A Missina tri sunnu li cosi bboni:
ventu malanova e piscistoccu.
.37
A mugghieri è menzu pani.
.38
A mugghieri mmustrici mezzu culu.
.39
Amuri, biddizzi e dinari
sunnu tri cosi
chi non si ponnu mmucciari.
.40
Amuri e gilusia
sunnu sempri 'ncumpagnia.
.41
Amuri pi forza,
non havi valia.
.42
Annachiti, prima ca cira squagghia.
.43
A notti metti cunsigghiu.
.44
A nuci u coddu,
ci dissi mastru Mariu
o so cavaddu
quandu non vosi 'ntediri u travagghiu.
.45
A pignata chi bugghi,
non ci 'ncugnunu muschi.
.46
Apignara da cumunia
non bugghi mai.
.47
A quattru cosi creditu non dati:
amuri di donna, carità di frati,
suli d'invernu e nuvuli d'estati.
.48
Aquila chi vaendu mari mari,
spetta quantu ti dicu du paroli,
quantu ti sceppu na pinna di sali
ppi farci na littra a lu ne amuri,
pirchì pensu chi è un tradituri.
.49
Aquila tantu auta non vulari,
auta chi ti muzzica lu sparveri;
la lapa pi lu tantu muzzicari
pirdiu la brisca , la cira e lu meli.
.50
Arburu chi non fa frutti
tagghiulu di pedi.
.51
Aria netta non havi paura i trona.
.52
A riggina eppi bisognu da vicina.
.53
A San Martinu,
ogni mustu è vinu.
.54
A Sant'Agata dopu chi la rubbaru,
cci misunu a porta i ferru.
.55
A scecca si fa mangiari
u culu da musca
pi non jazzari a cuda.
.56
Aspittari e non viniri
su du cosi di murriri.
.57
Aspittati chi vi lu dicu
sta passandu mastru Vitu
cu la sticca sutta u bidducu,
non havi pedi e mancu lana
siti tutti figghi i gran buttana.
.58
A squagghiata a nivi
si vidunu i fossa.
.59
Assai ciatu perdi
cu va a caccia,
chiamandu lu so cani
cuccia, cuccia.
.60
A tavula è tisa
cu no mangia perdi a spisa.
.61
'Ttacca u sceccu
'ndi voli u patruni.
.62
Avanti ccu dutturi a studia
u malatu si'ndi va.
.63
A vecchia havia cent'anni
e non havia 'mparatu.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Beddu, all'amicu tto
parricci chiaru.
. 2
Beddu fussi lu maritari
si non fussi pi l'annacari.
. 3
Beddu tempu e bruttu tempu
non dura sempri un tempu.
. 4
Bicicletti, motocicletti
e riloggia sfasciati
sunnu a ruvina da casa.
. 5
Bona maritata,
senza soggira e cugnata.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Cadi a mari
e nesci cu lu culu
chinu di calamareddi.
. 2 Caliti juncu
chi aratru passa.
. 3
Campa cavaddu
chi l'erba crisci.
.4
Cangiò u maistru
ma a musica è sempri a stissa.
. 5
Cani chi bbaia non muzzica.
. 6
Cani di quattru,
cavaddu di ottu,
donna di diciottu
e omu divintottu.
. 7
Cannaluvari supra un pizzu
chi mangiava carni e sasizza
so muggheri si pinava:
mancu un ciciru ci 'ndi dava.
. 8
Cu veni 'ncasa mia ppi beni
mi si rumpi u coddu,
supra u bisolu a porta.
. 9
Carni fa carni,
pani fa panza,
vinu fa danza.
.10
Casa 'nvidiata
se non è povira è malata.
.11
Casa lorda spetta genti.
.12
Casa quantu stai,
robba quantu 'ndi vidi cu l'occhi.
.13
Casa senza omu,
casa senza nomu.
.14
Catarru, vinu cu carru.
.15
Cavaddu grossu ti leva di fangu.
.16
Cavuli i innaru, ettili o mundizzaru.
.17
Cca non è funducu
e mancu lucanda
iativinni annautra banna.
.18
Ccatta caru e scorditi,
ccatta mircatu e pensici.
.19
Cchiù autu è lu munti
cchiù carrica la nivi.
.20
Cchiù pendi, cchiù rendi.
.21
Cchiù ranni è a mandra
cchiù su li campani.
.22
Centu misuri e un tagghiu.
.23
Chiddu chi è scrittu
leggiri si voli.
.24
Chiddu chi si schifia
qualchi iornu s'addisia.
.25
Cianciri o mortu
su lacrimi persi.
.26
Ci dissi lu boi a lu mulu:
semu nati pi dari lu culu.
.27
Ci dissi lu parrinu o siriatanu:
a un parmu du me culu
cu si futti, futti.
.28
Ci dissi lu patruni a la criata:
quandu non trovi autru
pigghia opi.
.29
Ci dissi u surici a nuci:
dammi tempu chi ti precciu.
.30
Ci dissi u sceccu a lu boi
a mia minari ma poi.
.31
Ci purtasti a pagghia a Lipari.
.32
Ci voli sorta puru a lu cacari
annunca ti vota lu budeddu e mori.
.33
Ci vonnu tutti chiddi
chi piscianu a matina.
.34
Ci vonnu zzucca
di centu cantara,
pirchi lu focu
di la pagghia pocu dura.
.35
Cosa fatta capu havi.
.36
Cu ama fimmina maritata
a so vita è 'mpristata.
.37
Cu assai scatta, picca ccatta.
.38
Cu a st'ura non havi ricugghiutu
pecuri e lana, no ricogghi nè pecuri ne lana.
.39
Cu bedda voli pariri
peni e guai havi a patiri.
.40
Cu bbonu ttacca,
bbonu strogghi.
.41
Cu campa vecchiu si fa.
.42
Cu cangia a strada
a vecchia pa nova
sapi chiddu chi lassa
e non sapi chiddu chi trova.
.43
Cu cangia a vecchia pa nova
cchiù tinta a trova.
.44
Cu cerca trova, cu secuta vinci.
.45
Cu certa genti
non si pò nè vinciri, nè appattari.
.46
Cu ci leva u pani o nutaru
ci u leva e so figghi.
.47
Cu cogghi ligna
a mal tirrenu
i 'mpizza 'ncoddu
e i porta o chianu.
.48
Cu cunta metti a giunta.
.49
Cu cunta puddicina, cunta pirita.
.50
Cu dici chi lu pulici è curnutu,
cu dici chi è lu primu nnamuratu:
si curca cu la fimmina
e mai è mulistatu.
.51
Cu di spiranza campa
dispiratu mori.
.52
Cu disprezza, ccatta.
.53
Cu dissi donna dissi dannu
e cu dissi omu, dissi malannu.
.54
Cu di vecchi si 'ndi nnamura
ci perdi la so vintura.
.55
Cu fa beni havi tri punta o culu.
.56
Cu fa carteddi,
'ndi fa brutti
e 'ndi fa beddi.
.57
Cu dormi non pigghia pisci.
.58
Cu è cacatu alza l'anca.
.59
Cu eppi focu campò,
cu eppi pani muriu.
.60
Cu havi canali
non mi tira petri.
.61
Cu havi dinari campa filici,
cu non 'nd'havi perdi l'amici.
.62
Cu havi dinari picca sempri cunta;
cu havi muggheri bedda, sempri canta.
.63
Cu havi faci navi.
.64
Cu havi lingua, vaci a Roma.
.65
Cu havi sordi fa sordi.
.66
Cu havi tempu
non mi perdi tempu.
.67
Cu havi terra
havi guerra.
.68
cu havi u parrinu 'n casa
havi u porcu appisu.
.69
Cu carni e pisci
la vita ti crisci.
.70
Cu futti, futti,
Diu pirduna a tutti.
.71
Cu iaddu e senza iaddu
Diu fa iornu
e a bon cavaddu
non ci manca sella
e mancu a donna bedda
nnamuratu.
.72
Cu la fa l'aspetta.
.73
Culu chi non s'havia,
vistu mai causi,
quandu si visti
si cacariddiò tuttu.
.74
Cu mangia fa muddichi.
.75
Cu mangia mori
cu non mangia è mortu.
.76
Cu mangia pisci
e cu mangia tunnina
tutti na cosa
briscenu a matina.
.77
Cu mulinari,
marinari e sbirri
non fari amicizia
chi a sgarri.
.78
Cu mania non pinia.
.79
Cu nenti fà, nenti trova.
.80
Cu nesci rrinesci.
.81
Cu non ccatta e non vindi,
non cchiana e non scindi.
.82
Cu non è vistu
e non è pigghiatu
non pò essiri cundannatu.
.83
Cu non havi 'n casa sò
non mangia a ura sò.
.84
Cu non sapi di fabbrica,
mi faci un furnu!
.85
Cu non si fa l'affari so
cu na lanterna va circandu vai.
.86
Cu non scuta a mamma gerba
jarri, jarri, ci curri a merda.
.87
Cu non voli corna,
non porta monici a casa.
.88
Cu paga a sira
è francu a matina.
.89
Cu picca parrò,
mai si 'ndi pintiu.
.90
Cu prima non pensa
all'ultimu suspira.
.91
Cu puta a marzu
o è sceccu o è pacciu.
.92
Cu si nnamura
di capiddi e denti
si nnamura i nenti.
.93
Cu si scanta
du cuteddu,
mori viatu.
.94
Cunti o spissu
e amicizia longa.
.95
Cu paga avanti
mangia pisci fitenti.
.96
Cu pati pi amuri
non senti duluri.
.97
Cu picca havi caru teni.
.98
Cu porta a muggheri
a ogni festa
non ci manchirà
duluri i testa.
.99
Cu porta i causi i villutu
eni omu 'nvicchiarrutu.
.100
Cu pratica o zoppu
o misi zuppia.
.101
Cu robba 'ndi fa una
cu è rubbatu
'ndi fa centu (pinsati).
.102
Cu scecchi caccia,
e fimmini cridi,
facci i paradisu
non 'ndi vidi.
.103
Cu s'havi
a 'mbriacari,
di vinu bbonu
l'havi a fari.
.104
Cu si fa pecura,
u lupu sa mangia.
.105
Cu si vardò, si sarvò.
.106
Cu sparti ('nte sciarri)
havi a megghiu parti.
.107
Cu sputa 'ncelu
'nfacci torna.
.108
Cu ti voli beni,
'n casa ti veni.
.109
Cu ti voli beni
ti fa cianciri,
cu ti voli mali
ti fa ridiri.
.110
Cu va a Palermu
e non vidi Munriali,
vaci sceccu
e torna maiali.
.111
Cu veni appressu,
cunta i pidàti.
.112
Cu voli anda,
cu non voli manda.
.113
Cu voli u mali i ll'autru
u so l'havi vicinu.
.114
Cu zappa
'mbivi acqua,
e cu futti
'mbivi a butti.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Di chiddu chi vidi
pocu cridi;
di chiddu chi senti
non cridiri a nenti.
. 2
Di giusta tagghia
e di giusta misura
a fimmina havi e essiri
pi fari figura.
. 3
Di iornu non di vogghiu,
di sira sfardu l'ogghiu.
. 4
Di lu mari
nasci lu sali
e di la fimmina
tuttu lu mali.
. 5
Di màrtiri (martedi)
e di vènniri (venerdi)
non partiri
nè veniri.
. 6
Di Sant'Antoniu
gran friddura,
di San Lorenzo gran calura:
di ll'uno e ll'autru
pocu dura.
. 7
Di Santa Lucia a Natali
a iurnata llonga un passu i cani.
. 8
Dissi lu priuri a la badissa:
senza sordi non si canta missa.
. 9
Diu affligi ma non abbanduna.
.10
Diu mi 'ndi scanza
di basci caduti.
.11
Donna senza amuri
è rosa senza oduri.
.12
Dopu a quarantina
brisci un mali ogni matina.
.13
Du occhi beddi
tirunu cchiù
di centu parigghia
i boi.
.14
Duna sempri na botta o circu
e na botta o timpagnu.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
E' bbona dda fimmina
chi non parra.
. 2
E' inutili mi ci frischi o sceccu
quandu non voli 'mbiviri.
. 3
Eni un cazzu
chinu i pisciazza.
. 4
Erba chi non si canusci
non si meti.
. 5
E' vera paccìa
cuntrastari cu ccu
non si po vinciri
e nè appattari.
. 6
Eu, eu,
se non mi vanta nuddu
mi vantu eu.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Facciazza i barduni.
. 2
Facci setti facciati
comu u Castru.
. 3
Fa mali e pensici,
fa beni e scorditi.
. 4
Fammi 'nduvinu
chi ti fazzu riccu.
. 5
fatta la liggi,
truvatu l'ingasnnu.
. 6
Figghi picciusi
e vicini 'nvidiusi,
mali a cu ci càpita.
. 7
Figghiu comu mi cadisti di stu cori,
comu un panaru di mmenduli amari,
se campu ti 'ndi fazzu scatta cori
e di la pena ti fazzu muriri:
se moru ti lu rendi lu signuri.
. 8
Fimmina chi si 'mpupa
e fa tuletta
o nnamurata è,
o è caiorda netta.
. 9
Fimmina chi ti mmustra l'anca,
se buttana non è picca ci manca.
.10
Fimmina e ventu
cangia ogni mumentu.
.11
Fimmina e cchiattu
e tavola e cozzu,
resiste a qualsiasi pisu.
.12
Fimmini, fummini
focu e diavulu.
.13
Fimmina quarantina
ettila a la marina.
.14
Fra mugghieri e maritu
non mettiri u ditu.
.15
Fra ogghiu i lampi
e micci i cuttuni,
si 'ndi eru i sordi
du pantaluni.
.16
Frevi mi havi
cu frevi mi misi
se nun fussi
pi ddi iorna friddulusi
fussi lu ciuri
di tutti li misi.
.17
Frivaru curtu e amaru.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Giocu di manu,
giocu di viddanu.
. 2
Giocu di manu
e pitida di culu
fetunu comu a pesti.
. 3
Giucaturi non giucari
chi la sorti non ti dici,
malidici cu ti fici,
cu ti fici non ci curpa,
giucaturi va alla furca.
. 4
Giuvanni di li vigni
ivu a cacari e non ci vinni,
si scurdò a porta aperta
ci rubbaru la scupetta,
la scupetta non 'mbalia
ci rubbaru a so soru Maria.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Havi a bucca duci
e u culu amaru
(comu u citrolu).
. 2
Havi a essiri di Patti la pignata
pi veniri la spisa sapurita.
. 3
Havi a facci comu
na cantunera i piscari.
. 4
Havi a gridari u boi
e grida aratru.
. 6
Havi a veniri u tintu
pi conusciri u bbonu.
. 7
Havi cchiù corna iddu
ca na navi carrica
di babbaluceddi.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Iaddina vecchia
faci bon brodu.
. 2
Iaddini e carusi
cacunu i casi.
. 3
Iamba a lettu
e brazzu o pettu.
. 4
Iastimi di canigghia
cu i ietta mi si pigghia.
. 5
I bastunati
quandu ci vonnu
sunnu megghiu
du pani.
. 6
I biddizzi
non si mettunu
supra a tavula.
. 7
I corna di soru su corna d'oru;
i corna i mugghieri su corna veri.
. 8
I cosi longhi diventunu serpi.
. 9
I difetti da zita
si mmucciunu ca doti.
.10
I genti i po purtari
supra i spaddi cent'anni:
appena i posi un minutu
pi iri a pisciari
ti diciunu chi si tintu.
.11
I guai da pignata i sapi
a cucchiara chi rrumina.
.12
I iatti priscialori
fannu iattareddi orbi.
.13
Iazziti mortu e parra cu lu vivu
dimmi la virità cu ti mazzau:
mi mazzau lu cumpagnu miu
havia dudici tarì e mi li pigghiau.
.14
I cosi fatti cu scuru
a iornu parunu.
.15
I cosi fatti ppi forza
non hannu valia.
.16
I cosi vecchi morunu
a casa u pacciu.
.17
I minzogni hannu
i iambi curti.
.18
'Mpara l'arti
e mettila da parti.
.19
'Ndirizza a vela
secundu u ventu.
.20
Innaru siccu
massaru riccu.
.21
'Nto ccattari e 'nto vindiri
non c'è prigiudiziu.
.22
'Ntra un'ura Diu lavura.
.23
'Ntra un'ura Diu lavura.
.24
'Nzalata bona 'nzalata,
pocu acitu e assai ugghiata.
.25
I parrini vistuti i niru
ti la iettunu,
vistuti i iancu
ti carriunu.
.26
I ricchi cchiù nd'hannu
cchiù 'ndi vonnu.
.27
Iurnata rutta perdila tutta.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
L'amuri è comu u citrolu:
cumincia duci e finisci amaru.
. 2
L'anima a Diu, lu corpu a terra
e a robba a cu ci tocca.
. 3
L'ira da sira
lassila pa matina.
. 4
La donna quandu è schetta
si canusci a lu caminari:
'mpizza cauci a la fadetta,
la fa iri pi ccà e pi ddà.
. 5
La fimmina è comu a iatta:
cchiù l'allisci
e cchiù la cuda crisci.
. 6
La fimmina e la iaddina
si perdi se troppu camina.
. 7
La gazza non è passata,
la tegola non è caduta,
la tua sorte non è venuta.
. 8
Latti e vinu vilenu finu.
. 9
La vecchia quandu è vecchia
non po fari la giuvini cchiù:
li iambi ci fannu navetta
e lu culu ci fa pu...pum!
.10
La zappudda di innaru
inchi lu panaru.
.11
Leviti scupa,
non tingiri a pala.
.12
L'interessi
fa parrari i morti.
.13
L'occhiu du patruni
'ngrassa u cavaddu.
.14
L'omu carriandu ca navi
e a fimmina spindendu
ca scoccia da nicidda
svacanta na casa.
.15
L'omu c'è quandu si perdi
pi tanta scienza
e c'è quandu si perdi
pi tanta gnuranza.
.16
L'omu di vinu
vali un carrinu (carlino).
.17
L'omu onuratu
campa stintatu.
.18
L'omu pa parola
e u boi pi corna.
.19
L'omu proponi
ma Diu disponi.
.20
L'omu putruni,
mori a buccuni.
.21
Lu dottu si canusci
a lu parrari,
li campani
a lu sunari.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Mali a dda pecura
chi havi a dari a lana.
. 2
Mangia a gustu to
e vesti a gustu d'autri.
. 3
Mangia e scorditi.
. 4
Mangia picca e cmpirai,
parra picca e 'nzirtirai,
spendi picca e rricchirai.
. 5
Maritati e muli
lassili suli.
. 6
Mastru Natali non havia birritta,
mancu dinari mi si la ccatta:
so muggheri la povira afflitta,
ci 'ndi fici una di carta,
di carta e di cartuni
mastru Natali era un minchiuni.
. 7
'Mburdi bonu e vai cantandu.
. 8
Megghiu na vota 'ngialliniri
chi centu voti russicari.
. 9
Megghiu oggi l'ovu
chi dumani a iaddina.
.10
Megghiu perdiri l'amicu
e non a risposta.
.11
Megghiu perdiri l'amicu
e non a risposta.
.12
Megghiu rummicatu di cani
chi 'nvidiatu di vicini.
.13
Megghiu suli
chi mali accumpagnati.
.14
Megghiu to matri
mi ti ciangi,
ca u suli di marzu
mi ti tingi.
.15
Meghiu u porcu
chi u surdatu.
.16
Megghiu u tintu conosciutu
chi u bonu a canusciri.
.17
Metti 'ndenti
chi a fami si senti.
.18
Mettiti chi megghiu i tia
e perdici i spisi.
.19
Mi cangià u sceccu
ca chitarra.
.20
Misi chi non pigghi sordi
non spiari quandu veni.
.21
Monica i cunventu
di mariti 'ndi voli centu.
.22
Monici, sciumi e parrini,
su tri mali assai vicini.
.23
Mori un Papa
e si 'ndi fa n'autru.
.24
Morti e patruni
non spiari quandu veni.
.25
Morti non veni mai
senza scaciuni.
.26
Muggheri e boi
di paisi toi ...
.27
Munti cu munti
non si giungi mai.
.28
Mustura metticcindi na bisazza,
conzila comu vo sempri è cucuzza.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Na casa e na putia
non sunnu mai boni.
. 2
Na mani lava all'autra
e tutti i dui
lavanu a facci.
. 3
Na nuci 'nto saccu
non faci rumuru.
. 4
Na rota è stu mundu:
c'è cu naviga
e cu va a fundu.
. 5
Nasci cu sorta
e iettiti a mari.
. 6
Natali o suli
e Pasqua o tizzuni.
. 7
Nè cappeddu fa galantomu,
nè birritta fa viddanu.
. 8
Nenti fari
chi nenti si sapi.
. 9
Niru cu niru
non tingi.
.10
Nn'haviti vistu cosi storti:
'nto misi di maiu fica fatti.
.11
Non c'è cucuzzi senza cocci
tutti i cosi si fannu pi facci.
.12
Non diri a lu to amicu
chiddu chi sai,
pensa se quarchi vota
pi nimicu l'hai.
.13
Non essiri spassu i fora
e trivulu di casa.
.14
Non è tuttu oru
chiddu chi riluci.
.15
Non fatri mai u passu
cchiù longu da iamba.
.16
Non mettiri mai
u carru avanti i boi.
. 17
Non havi nè figatu
nè budedda.
.18
Non mi 'ndi 'mporta
se mori me figghiu,
basta chi vidu cianciri
a me nora.
.19
Non mi 'ndi 'mporta
se non haiu muggheri,
pigghiu tabaccu
e mi scialu lu cori.
.20
Non nega e non paga.
.21
Non pigghiari l'acqua
cu lu panaru.
.22
Non pigghiari
u celu a pugna.
.23
Non pisciari
fora du rinali
.24
Non scuncicari
u cani chi dormi.
.25
Non si campa di sulu pani.
.26
Non si pò dormiri
e fari vaddiania.
.27
Non t'accattari a zotta
senza cavaddu.
.28
Non ti 'nfasciari
a testa prima mi cadi.
.29
Non ti lamintari
da giusta misura.
.30
Non ti mettiri
paru a paru
cu li megghiu i tia.
.31
Non tutti chiddi chi
mangiunu ricotta
hannu i denti ianchi.
.32
Non veni iornu
chi non veni a sira.
.33
Non visti,
non sintì,
non parrà.
(allura po stari ccà).
.34
Notti è, scuru fa,
cu è 'n casa d'autri
mi si 'ndi va.
.35
Nuddu ti pigghia
se non t'assumigghia.
.36
Nuddu ti rapi
se non cu ti sapi.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
O boscu, carrica carrica,
o chianu,pitida pitida.
. 2
O Catarina chiamati la iatta
chi mi mangiau la pirnici cotta,
se veni me maritu ti l'ammazza
o ti la fa vèniri cu li iambi rutti.
.12
Ogni cacata i musca è sustanza.
.13
Ogni casa havi a so cruci.
.14
Ogni citrolu chi si rumpi
'mpizza 'nto culu all'urtulanu.
.15
Ogni disideriu veni 'n fini.
.16
Ogni 'mpidimentu è giuvamentu.
.17
Ogni lassata è pirduta.
.27
Omini all'anta
e fimmini o sulu,
libiratini o Signuri.
.28
Omu senza dinari
menzu malatu pari.
.29
Omu pilusu,
omu vinturusu.
.30
Omu vardatu,
è menzu sarvatu.
.31
Ora chi hai a bucca aperta,
duna na vuci a me soru.
.32
ortu e mulinu
non diri quantu
rendi o to vicinu.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Pa Candilora, u 'nvernu è fora
. 2
Palumba e palumbedda
di lu beccu pari bedda.
.31
Pruna mancini una
cirasi, quantu ni trasi.
.32
Puru u sali faci i vermi.
.33
Punti longhi
e boni dati,
così campunu
i mastri onurati.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Quandu a caccia non ti dici
vattindi a circari babbaluci.
. 2
Quandu amuri voli
trova locu.
. 3
Quandu a pira è fatta
cadi sula.
. 4
Quandu canta u iaddu
fora l'ura,
lu tempu a cangiari
non dimura.
. 5
Q!uandu c'è malu tempu
tutti li strunza nnatanu.
. 6
Quandu la donna
non senti 'prima vuci:
o è surda o la canzuna
non ci piaci.
. 7
Quandu trunia di livanti
pigghiti i bertuli e curri pi avanti;
quandu trunia di Tundaru
pigghiti i bertuli e fui di paru.
. 8
Quandu u diavulu si strica
voldiri chi voli l'anima.
. 9
Quandu unu havi na liti
ci voli:
burza china e iamba longa.
. 10
Quandu vidi tanti cani
supra un ossu, megghiu è
faritilla arrassu.
. 11
Quandu a forza
ca raggiuni cuntrasta,
a forza vinci
e a ragiuni non basta.
. 12
Quandu a'merda
arriva o scannu
o faci fetu
o faci dannu
. 13
Quant'è a 'nchianata
è a scinduta.
. 14
Quantu è bella la libbirtà:
mangiu, 'mbivu e nuddu lu sà.
. 15
Quantu vali
un amicu 'n chiazza
non vannu
centu unzi 'nta cascia.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Ricchizza o riccu
puvirtà o poviru.
. 2
Ricotta e meli,
mangindi vulinteri.
. 3
Ricotta, vinu ca botta.
. 4
Risparmia a cinniri
e cunsuma a farina.
. 5
Risu, mi calu e non mi isu.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
San Gilommu, San Gilommu,
tanti cosi non ci vonnu.
.2
Sarva a pezza
pi quandu
veni u purtusu.
.37
Sunnu comu u
cantaru cu culu.
.38
Supra u bruciatu, non iardi.
.39
Surgiti amicu miu bampa linazza,
dduniti o fucularu se c'è luci,
vogghiu 'saggiari lu to vinu duci.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Tantu fussi me nora gintili
quantu dura a nivi di marzu e d'aprili.
.2
Tantu va a quartara o puzzu
finu a chi si rumpi.
.17
Tutti i sciumari
spuntunu a mari.
.18
Tutti i spighi
vannu a timogna.
.19
Tutti i stradi
portunu a Roma.
.20
Tutti li cosi storti
'mbattunu a mia,
pari chi fussi
spraticu dill'arti.
.21
Tuttu u mundu è paisi.
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
U bbonu parrari
porta a bonu locu.
. 2
U boi havi a lingua grossa
e non pò parrari.
. 3
U bon iornu
si vidi a matina.
.10
U cumandari è
megghiu du futtiri.
.20
U matrimoniu:
a prima sira pilu cu pilu,
a secunda sira culu cu culu,
a terza sira a fa 'culu!
.27
undi c'è campani
c'è buttani.
.68
U vinu staci puru
supra u rumuru du carrettu.
.69
U viscuvu di patti
ivu a Lipari pi pigghiari piatti.
Nun ci 'nnerunu piatti a Patti
chi u viscuvu di Patti
finiu a Lipari
pi pigghiari i piatti?
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Varda cu sugnu
e non vardari cu era.
. 2
Vesti u cippuni
chi pari un baruni.
. 3
Vinu iancu
rinforza u sciancu.
. 4
Vinu vecchiu
e ogghiu novu.
. 5
Vo, stari di saluti
sempri chinu?
futtiti l'ova
e suchiti lu vinu!
°°°°°°°°°°°°°°°°°°°°°°°°°°°°°°°°°°°°°°°°°°°°°°
. 1
Zicchi e dinari
su forti a scippari.
. 2
Ziti a baciari
e babbaluci a sucari
sunnu du cosi
chi non ponnu saziari.
. 3
Ziti, carusi e morti
iettili fora di porti.
. 4
Ziti e tambureddi
pi tri iorna
parunu beddi.
. 5
Zittiti mugghieri mia
chi non su' trona:
sunnu li carri
chi vannu a la fera.
°°°°°°°°°°°°°°°°°°°°°°°°°°°°°°°°°°°°°°°°°°°°°°
°°°°°°°°°°°°°°°°°°°°°°°°°°°°°°°°°°°°°°°°°°°°°°