Joska la rossa
El muro drio de la to casa
ti te saltavi come un oseleto.
Joska la rossa pele de bombasa
tute le sere prima se nà in leto.
Te stavi lì con le to scarpe rote
te ne vardavi drio de'j'oci mori
e te balavi alegra tuta la note
e i baldi alpin cantava in cor.
Rit.
Joska, Joska, Joska
salta la mura fin che la dura oh ...
Joska, Joska, Joska
salta la mura balsa con mè!
Ti te portavi il sole ogni matina
e de j'alpin te geri la morosa
sorela mama boca canterina
oci del sol meravigliosa rosa.
Xe tanto e tanto nù ca te zerchèmo.
Joska la rossa amor rosa spania.
Ma dove sito andà? Ma dove andremo?
Semo ramenghi o morti?
E così sia. Oh ...
Rit.