(ANNO 2001)
Acenti, digrammi e atri angæxi
pe scrive in zeneize


Questi cunseggi van ben cun Windows. (Cu Mac, nu sò, ma gh'ho tanta puíia che nu funsiunn-an...)

Scistema #1: ALT + xxxx

U scistema ciû immediou (pe quelli che díggitan ciû spediu e gh'han na memòia de færu...) pe scrive tûtti i caratteri, quelli ascí che nu sun prezenti inscia tastea:

  • cu'ina man tegni sciaccou u tastu ALT,
    e
  • cun l'atra man díggita u còddice de 4 nûmmeri curespundente á quella léttia:
    		• à = alt 0224
    á = alt 0225
    â = alt 0226
    ä = alt 0228    		 À = alt 0192
    Á = alt 0193
    Â = alt 0194
    Ä = alt 0196    		 æ = alt 0230
    Æ = alt 0198
    œ = alt 0156
    Œ = alt 0140    		 è = alt 0232
    é = alt 0233
    ê = alt 0234
    ë = alt 0235
    È = alt 0200
    É = alt 0201
    Ê = alt 0202
    Ë = alt 0203    		 ì = alt 0236
    í = alt 0237
    î = alt 0238
    ï = alt 0239    		 Ì = alt 0204
    Í = alt 0205
    Î = alt 0206
    Ï = alt 0207    		 ò = alt 0242
    ô = alt 0244
    õ = alt 0245
    ö = alt 0246
    Ò = alt 0210
    Ô = alt 0212
    Õ = alt 0213
    Ö = alt 0214    		 ù = alt 0249
    ú = alt 0250
    û = alt 0251
    ü = alt 0252    		 Ù = alt 0217
    Ú = alt 0218
    Û = alt 0219
    Ü = alt 0220    		 ø = alt 0248
    Ø = alt 0216
    ç = alt 0231
    Ç = alt 0199

    Se capisce che questu scístema, sciben che u ciû fáççile, u l'é ascì u ciû lungu: ti devi sciaccá 4 pumelli pe ogni acentu che ti devi scrive... á mi nu me passa ciû !!!
    Notta che se pe scrive ti døvi u prugramma Block notes ou postu d'a léttia œ ti veddi sulu 'n quaddratin neigru.

    Scistema #2: scangiá de layout

    U scistema che ho aduttou mi u l'é quellu de cangiá u LAYOUT d'a tastea, pasandu da quellu italian á quellu daneize.

    Perché pròppiu quellu daneize?

    Perché u l'é l'ûnnicu ch'u te permette de scrive a léttia "æ" sciacandu 'n tastu sulu.
    I scímbuli che ti pø scrive døviandu a tastea daneize sun:

    æ, ø, á, ä, â, é, ë, ê, í, ï, î, ó, ö, ô, ú, ü, û, ý, ÿ...
    e natûralmente tûtte e maiúsucule curespundente.

    Quellu che a tastea daneize a nu te dá sun a "çediggia" e a "œ".
    A œ a nu te a dá nisciûnn-a impustasiun (layout) de tastea, dou mumentu che questu scímbulu u nu vegne døviou ûffisialmente da nisciûn'atra léngua (mancu dou franseize !?!): dunque pea œ ti gh'æ sulu che da cuntinuá á fa ALT + 0156 ....
    Pe scrive a ç invece basta scangiá turna u layout (ALT de scinistra + MAIUSC) e turná á quellu italian.

    Ma cumme se fa á scangiá de tastea ????
    'Na belinata (...sci, díxan tûtti cuscí...) :

  • Vanni á

  • Sciacca

  • Selesiunn-a "léngua" e sciacca "azunzi"


  • Selesiunn-a "daneize" e sciacca OK


  • Assegûite che l'indicatú e i tasti de cangiu séggian attivæ, e sciacca OK


  • Á stu puntu ûn barcunettu u te purrieiva dumandá de infiá u CD de Windows:
    se ti ghe l'æ, infíighelu, se nu ti ghe l'æ... ti ghe l'æ intu stupin....

    Òua u layout daneize u l'é attivou!

    Gh'ei ascí 'n quaddratin blø in bassu aa drita, d'arente á l'ua, ch'u ve índica quæ di 2 layouts sei aprøvu á døviá.
    Pe scangialu nu gh'ei che da sciaccá insemme ALT de scinistra + MAIUSC
    e voulí che a scrita da IT a pasiá á DA, o vicceversa...
    >>>


    Ma cumme se fa á savei che tasti bezøgna sciacá ???


    • Chí nu v'agiûttu ciû, se nu me vegne n'afare troppu lungu: descruvívelu da vuí!!!
    Schisæli tûtti, dou primmu á l'ûrtimu e vedei 'n pitin cose ve sciorte...
    Ve diggu sulu che, quande døviæ a tastea daneize, pei acenti PRIMMA se sciacca u tastu di acenti e DOPPU u tastu d'a vucale: insumma se fa in 2 tempi.
    Va ben, ve diggu ascí che pe l'acentu circunflessu u tastu u l'é u mæximu che p'a dierexi, ma bezøgna sciacalu insemme ou tastu d'e maiúscule.
    Natûralmente, 'na votta ch'ei descuertu che tasti sun, marcæveli cu'in pennarellu, o dunque cu'in lapi.

    Scistema #3: scrive sempre e sulu døviandu WORD

    clicca chí pe cuntinuá
    1