|
U Signuri
Cummari, cummaredda,
ci viniti o sciummareddu
pi cugghiri rosi e ciuri
pi parari lu Signuri.
Lu Signuri è paratu
viva Gesù sacramentatu.
Madunnuzza
Madunnuzza chiuviti chiuviti
ca i laureddi su morti di siti.
E se l’acqua nun vuliti mannari
semmu poveri e dispirati.
U Signuri ‘nchiuvatu
Duocu sutta e duocu banna
c’è na casa longa e lanne
c’è ‘nchiuvatu lu Signuri
pi ‘nuatri piccaturi.
A porta mia
Apriti,
apriti, porta mia
cu lu mantu
di Maria
lu vastuni
i San Simuni
a chi tocca
u ma scaluni
pozza cadiri ca faccia a buccuni.
|
A Madonna
A Madonna lavava
San Giuseppi stinnieva
e u figghiu chiancieva
ca u latti vulieva.
Nun chianciri figghiu
ca ora ti pigghiu.
Ti dugnu a nennè
ma latti nun
ci nn’è.
Lu porcu
E’ vinutu
San Nicola
ca di lu
porcu vuoli lu cori
lu
Signuruzzu ca tuttu n’accorda
di lu cielu
ni scenni na corda.
E’ vinutu
San Mastianu
ca lu porcu
lu vuoli sanu
lu
Signuruzzu ca tuttu n’accorda
di lu cielu
ni scenni na corda
San Giuseppe
San Giuseppe viniti d’aura
e vi fazzu na bedda cuddura
vi la fazzu cu zuccuru e mieli.
San Giuseppi spingiti lu piedi
e cu lu piedi e la pidata
semmu figghi d’Ammaculata.
|
