Instalazion Tastiere Furlane (layout Furlan pe Tastiere Taliane)

Instalazion par Windows 95/98/Me

• Se si veve instalât la version precedent lei lis notis.
• Discjame il file di instalazion Furlan.exe e fâs dopli clic parsore.
• Va in Start/ Impostazioni/ Pannello di Controllo e selezione
  Tastiera
• Selezione la lengute Lingua e cjalcje il boton Aggiungi
  
• Tal balconut che al ven fûr, selezione come
  Lingua: Furlan, podopo cjalcje OK.
  
• Si torne tal balconut di prin e cumò si varès di viodi Furlan te liste des tastieris. Lasse selezionade la opzion Attiva indicatore sulla barra delle applicazioni e cjalcje OK.
  

Instalazion par Windows Xp, Windows Server 2003 e Windows Vista

• Se si veve instalât la version precedent lei lis notis.
• Discjame il file di instalazion Furlan_xp.exe e fâs dopli clic parsore.
• Va in Start/ Impostazioni/ Pannello di Controllo e selezione
  Opzioni Internazionali e della lingua
• Selezione la lengute centrâl Lingue e cjalcje il boton Dettagli
  
• Cjalcje il boton Aggiungi
  
• Tal balconut che al ven fûr, selezione come
  Lingua di Input: Italiano
Layout: Furlan
  
• Si torne tal balconut di prin e cumò si varès di viodi Furlan te liste des tastieris. Cjalcje Preferenze/ Barra della Lingua
  
  e tal gnûf balconut abilite la opzion Visualizza Barra Desktop, podopo cjalcje OK par sierâ ducj i balcons.
  

Instalazion par Windows 2000

• Se si veve instalât la version precedent lei lis notis.
• Discjame il file di instalazion Furlan_xp.exe e fâs dopli clic parsore.
• Va in Start/ Impostazioni/ Pannello di Controllo e selezione
  Regional Option
• Selezione la lengute Input Locales e cjalcje il boton Add
  
• Tal balconut che al ven fûr, selezione come
  Input Locale: Italiano
Keyboard Layout: Furlan
  
• Si torne tal balconut di prin e cumò si varès di viodi Furlan te liste des tastieris. Abilite la opzion Enable indicator on taskbar, podopo cjalcje OK par sierâ ducj i balcons.

Instalazion par Windows NT 4

• Se si veve instalât la version precedent lei lis notis.
• Discjame il file di instalazion Furlan_xp.exe e fâs dopli clic parsore.
• Va in Start/ Impostazioni/ Pannello di Controllo e selezione
  Regional Settings
• Selezione la lengute Input Locales e cjalcje il boton Change
  
• Tal balconut che al ven fûr, cjalcje Add
  
• Tal balconut daspò selezione come
  Input Language: Italiano
Keyboard Layout: Furlan
  

Cemût doprâ la Tastiere Furlane

Ogni program che tu inviis al varà associade la tastiere di default (chê taliane) par gambiâle cjalcje Alt di çampe+maiuscul o selezione cul mouse il layout Furlan, cjalcjant te iconute che e ven fûr in bas a drete.

Windows XP/2000/NT

Windows 95/98/Me

La tastiere furlane al ridefinìs il tast che al prodûs il circonflès ^ come dead key, val a dî che se ven cjalcjât e molât nol scrîf nuie, ma la vocâl che si va a cjalcjâ subit daspò a ven scrite cul acent circonflès.

Il layout al à chestis cumbinazions di tascj:

• Vocâls cul circonflès:
  1. Cjalcjâ Shift+ e molâju
  2. Cjalcjâ la vocâl pal minuscul o Shift+vocâl pal maiuscul
• Ç: AltGr+Shift+
• ^: Cjalcjâ AltGr+

Note: AltGr al è il tast Alt di drete.

Disinstalazion

Seguìs lis stessis istruzions pe instalazion, ma cheste volte invezit di zontâ une tastiere, selezione de liste Furlan e cjalcje il boton Rimuovi. Daspò va in Pannello di Controllo/ Installazione Applicazioni e gjave vie il program Tastiere Furlane.

Tastiere Furlane Alternative

Se no ti va comude la tastiere precedent tu puedis provâ cheste tastiere alternative che e permet di doprâ mancul tascj ma e gambie la cumbinazion pal simbul dal Euro. A puedin jessi presints ducj i doi layout tal stes timp.

Discjame il file:

• Furlan2.exe par Windows 95/98/Me
• Furlan2_xp.exe par Windows XP/2000/NT/Vista

Pe instalazion e ûs lis istruzions a son lis stessis par chel di prin e gambie dome il layout di selezionâ che al è Furlan2.

Windows XP/2000/NT

Windows 95/98/Me

Pe disinstalazion seguìs lis istruzions gjenerâls, al cambie dome il non dal program di gjavâ vie, che al è Tastiere Furlane 2.

Cumbinazion di Tascj:

• Vocâls cul acent circonflès:
  • minusculis: AltGr+vocâl, ven a stâi:
    • AltGr+a --> â
    • AltGr+e --> ê
    • AltGr+i --> î
    • AltGr+o --> ô
    • AltGr+u --> û
  • maiusculis: AltGr+Shift+vocâl, ven a stâi:
    • AltGr+Shift+a --> Â
    • AltGr+Shift+e --> Ê
    • AltGr+Shift+i --> Î
    • AltGr+Shift+o --> Ô
    • AltGr+Shift+u --> Û
• Ç: AltGr+Shift+
• EuRo: AltGr+r

Note: AltGr al è il tast Alt di drete.

Notis version precedent

• Par Windows 95/98/Me
  Prin di instalâ la gnove version si scuen gjavâ vie chê viere (chê cu la instalazion manuâl) in chest mût: in Start/ Impostazioni/ Pannello di Controllo, selezionâ Tastiera e la lengute Lingua, de liste selezionâ Furlan e daspò cjalcjâ il boton Rimuovi.
• Par Windows XP/2000/NT
  I gnûfs layout a son compagns di chei precedents dome a àn un non diferent e si è miorât la procedure di instalazion. Unic gambiament significatîf al è che tal layout Furlan2 (prime clamât FurlanAlt) la cumbinazion sielte par scrivi l'euro e je AltGr+r, dutcâs la viere cumbinazion AltGr+c e je stade mantignude par compatibilitât.
  Se chest gambiament nol interesse si pues ancje fâ di mancul di instalâ la gnove version. In câs si vueli instalâle al è miôr (ma no obligatori) gjavâ lis versions precedents, par fâlu si seguissin lis istruzions gjenerâls di disinstalazion, dome tignint a ments che i layout di tirâ vie si clamin FurlanAlt e FurlanDK e tal stes mût si clamin i programs di gjavâ vie dal panel Installazione Applicazioni.