Gambiâ la mude al grant Dizionari

Il Grant Dizionari Bilengâl Talian Furlan al è un program 'skinnable', vâl a dî che si pues gambiâi la mude grafiche, cun cualchi limit, cence vê di fâ modifichis al codiç, di fat scuasit dut ce che si viôt de interface al è realizât midiant imagjinis che si puedin modificâ cemût che al pâr miôr.

Un esempli di skin

Chest esempli al è stât fat doprant lis iconis dal teme Crystal SVG (autôr studi di Design Everaldo.com) pal Ambient Desktop KDE.

ScreenShot: cjalimi, cjalimi!

Download: cjolimi, cjolimi! (59Kb)

Instalazion:

Gambie non ae directory dir_gd\files\images par esempli in image_old (dulà che dir_gd e je la directory di instalazion dal Grant Dizionari, par solit C:\Programmi\gdbtf).
Scompate skin_crystal.zip in dir_gd\files, e ven cussì creade une gnove directory images.
Cumò al è suficient inviâ il program tal solit mût.
Se si vûl tornâ al aspiet di prin, si à nome di cancelâ la gnove directory images e rinominâ chê vecje.

Cemût creâ un gnûf skin

Lis imagjinis che a fasin l'aspiet de aplicazion si cjatilis in dir_instalazion\files\images (dulà che dir_instalazion e je la directory di instalazion dal program, par solit C:\Programmi\gdbtf). Modificant chestis imagjinis si modifiche il look dal Grant Dizionari.

Si à dome di fâ atenzion a no gambiâ lis dimension des imagjinis.

Par procedi te creazion di un gnûf skin al conven fâ une copie de directory images e modificâ cuntun program di disen chescj files:

skin.png		la imagjine che e fâs di sfont ae aplicazion, si pues modificâ il colôr dal ôr, ma al è dibant gambiâ culì l'aspiet dai botons stant che a vegnin disegnâts parsore e dibant al è ancje gambiâ il colôr des suazis dulà che a vegnaran fûr lis definizion, che al reste simpri zâl.
	it.png	a stan a indicâ la lenghe selezionade, rispetivamentri talian e furlan.
	fu.png
	avanti.png	par scori la liste des ricercjis bielzà fatis, la version de-ativade (chê che il non al ten dentri _deatt) e varès di sameâ ae version normâl, fasint capî che il boton al è disabilitât.
	avanti_deatt.png
	indietro.png
	indietro_deatt.png
	contrar_att.png	il boton par mostrâ lis peraulis di valôr contrari, in version ative e inative.
	contrar.png
	sinon_att.png	il boton par mostrâ i sinonims, in version ative e inative.
	sinon.png
	allarga.png	par slargjâ e strenzi la liste che a ven fûr a diestre.
	stringi.png
	ricerca.png	il boton par inviâ la ricercje.
	ric_es.png	par mostrâ lis ricercjis fatis.
	lem_vis.png	par mostrâ i lemis bielzà cirûts.
	visualizza.png	par gambiâ mût di visualizazion in forme di schede/continue.
	arrup.png	botonuts par scori la definizion.
	arrdown.png

Si puedin lassâ cemût che a son i files:

• logo240.jpg che e je la imagjine mostrade intant dal inviament;
• logo16.ico, logo32.ico, logo48.ico, logo128.ico che e je la icone dal program in diferents dimensions;
• trif.gif che al è un simbulut doprât tes definizions.