Firefox a tacâ de version 2 al integre la funzion di corezion ortografiche tes areis pal inseriment di test che si cjatin tes pagjinis web (par es. Blogs, Web Mail e v.i.).
Par corezi in Furlan si scuen instalâ il Dizionari di pueste che al è il stes dal coretôr ortografic di OpenOffice. In grazie di Baro che al à prontât il pachet, la instalazion e je automatiche, si à nome brie di discjamâlu di chi sot e vierzilu cun Firefox (da File -> Vierç File).
Discjame Dizionari Furlan par Firefox
Podopo fâs clic cul boton diestri dal mouse te aree di test culì sot, selezione come lenghe pe corezion "/Italie" (in teorie e varès di vignî fûr Furlan/Italie ma pal moment al va cussì) e duncje prove a scrivi alc. I erôrs a vegnin sotlineâts in ros e cjalcjant parsore cul boton diestri dal mouse a vegnin proponûts i sugjeriments pe corezion.
Par semplificâ la selezion de lenghe pe corezion si pues instalâ la estension Dictionary Switcher (segnalade di Baro).