TUTTI I DIRITTI RISERVATI ! (C) SIAE 2010
Panem nostrum ( Abate Nino Martino).
Lu pani ndi strapparu di li mani,
lu pani nostru, o patri, e mò langumu,
simu trattati pejiu di li cani,
pagamu supa l'acqua chi mbivimu
La curpa eni ca fummu liberali,
L'Italia fatta ndi portau sti mali ;
Pacenza.......Mò mparammu ca lu mundu
prima t'alletta e poi si mustra ngratu,
ch'è vasu duci ncima, amaru infundu,
ch'è fauzù e tradituri d'ogni latu.....
E chistu spega lu tempu presenti,
peccui di ricchi sciurtimmu pezzenti.
Pezzenti pi fundiaria e manimorta,
pezzenti pe cunguagliu deprecatu,
pè prestiti forzusi ed ogni sorta,
di pisi ch'ogni riccu hannu stancatu,
Et quia venturi sunt fabbricati,
lu daziu su li porci e su l'entrati.
Pezzenti, e si pretendi di pagari,
lu daziu di consumu già appardatu,
li murti, sopraimposti, ed autri affari
chi già Scjialoia nostru ha progettatu,
Si parla di finestri, ciucci e cani,
daziu di furnu, di pili e di lana.
La mobili ricchezza sbrigonata,
e lu registru cu la murta e senza,
marchi di bullu, la carta bullata,
la posta chi ndi suca e non si penza,
tabaccu caru, carissimu sali ….....
patri Vittoriu , pe bui tanti mali !
Finimmu chu li pisi e li misuri,
lu decalitru, vilanza e stratia.
Lu metru, pisi grossi e li minuti,
la revisioni ogni annu.... uh porcaria!
Patri, cutempra tu chist'orazioni
et ne nos induca in tentazione:
ca di la furca passammu allu palu ,
sed libera nos a malo.
AMEN
Cchiù suffriri non potimu
caru patri riparati!
Ca si nui nd'annichilimu
di st'Italia chindi fati?
Fussi regnu di lu nenti
e vui Re di pezzenti,
e tornamu in giografia,
zeru e nenti e così sia.
Ennesima poesia scritta dall'abate Nino Martino di Galatro Rc, osservando la situazione peggiorata nella nostra Calabria scrive al popolo tali parole dove descrive le condizioni in cui finirono le popolazioni calabresi : abberranti, devastanti, di delusione terrificante. La poesia scritta per descrivere i mali che si stavano vivendo viene impugnata anche dal parlamentare catanzarese Antonio Greco, ricordando che inviò una lettera da Torino ai suoi elettori il 2 settembre 1864 in pieno periodo di Brigantaggio.
Maria Lombardo
Consigliere Commissione cultura Comitati Due Sicilie
Centro Studi e Ricerca Comitati Due Sicilie.
Web Master (C) 2010 Raffaele Fameli