|
Anche Scipione l'Africano, all'occorrenza, sapeva
servirsi dell'astuzia: eccone un significativo esempio.
Scipio quoque superior praesidium calliditatis amplexus
est. Ex Sicilia enim petens Africam, cum e fortissimis peditibus Romanis
trecentorum equitum numerum complere vellet neque tam subito eos posset
instruere, quod temporis angustiae negabant sagacitate consilii
adsecutus est: namque ex his iuvenibus, quos secum tota Sicilia
nobilissimos et divitissimos sed inermes habebat, trecentos speciosa
arma et electos equos quam celerrime expedire iussit, velut eos continuo
secum ad oppugnandam Karthaginem avecturus. Qui cum imperio ut
celeriter, ita longinqui et periculosi belli respectu sollicitis animis
paruissent, remittere eis Scipio illam expeditionem, si arma et equos
militibus suis tradere voluissent, edixit. Rapuit condicionem inbellis
ac timida iuventus instrumentoque suo cupide nostris cessit. Ergo
calliditas ducis providit ut quod, si protinus imperaretur, grave onus
fuisset, id excitato prius, deinde remisso militiae metu maximum
beneficium fieret.
Valerio Massimo, Fact. et dict. 7. 3. 3
Esercizio (se non ricordi le regole ripassale cliccando
sui links o consulta la sezione
Grammatica):
|
