Vai al brano corrispondente in Italiano

Astyages, medorum rex, qui filiam habebat nomine Mandanam, quondam per somnum horrible monstrum vidit. Tum magos somniorum interpretes, arcessivit, ut somnium sibi explanarent. Ita magi Astyagi responderunt: "Tibi magnum periculum instat: Mandanae filius regni tui ruina erit."
Cum Mandana filium, nomine Cyrum, peperit, rex somnio territus Harpago, viro amico ac fideli, clam imperavit ut puerum necaret. Harpagus, quamvis invitus, pastori puerum tradidit dixitque: "Rex imperat ut puer in silvam feratur atque ibi occidatur, nisi oboediveris, vitam amittes."
Tum pastor, Cyri innocentia commotus, domum rediit puerum secum ferens et rem uxori narravit. Sed mulier, quae pridie filiolum ob gravem morbum amiserat, virum oravit ne puerum necaret. "Cyrus" inquit "nobiscum vivet! Harpagi militibus filii nostri corpus trademus." Pastor uxoris preces exaudivit, itaque Cyrus, regis nepos, per multos annos, stirpis suae ignarus, domi pastoris vixit.