INVECE - 05 - SETTEMBRI

Finita l'estate calabrese piena di feste, genti e divertimenti, arriva settembre, che svuota i paesi, lasciando i soliti irrisolti problemi.

Arrivau settembri e scumpariru tutti,
cu' si ndijiu pe pocu cu' si ndijiu pe sempi;
e cu' restau cu curpu non restau ca menti,
intantu l'anni passanu e cangia propriu nenti.
Arrivau settembri e non è ancora mbernu
u suli è sempi forti, u tempu è ancora bellu;
peccatu poi ca u tempu non si poti fermari,
intantu arriva u mbernu, u mbernu è duru da passari.
Menu mali ca u tempu non si poti fermari,
comu acqua i hjumara curri verzu o mari,
u tempu chi cancella e poti riscriviri
a storia i chista terra nte mani i l'assassini!
I casi mai finuti i strati chjini i buchi,
e quandu torna l'acqua si ndi vai a luci;
chi strana impressioni chi faci a nostra terra,
simu a tempu i paci ma pari ca c'è a guerra.
E arrivau settembri e a festa ormai finiu,
puru u ziu du Canada nto Canada tornau;
si ndi jiu a stati e resta a nostalgia,
si ndi jiu a stati e torna l'apatia.
Menu mali ... ...
comu i penseri vai, non si poti fermari ... ...