|
'E ‘ffemmene
-
Vinenzo Salemme
‘E ‘ffemene so cumm’e stell.Si te pierd,
‘e a ‘uardà,
ce ne stann’a mill’a’mill, peccerelle so
scintille,
ca pazzeano ammiez’o ‘fuoc ‘e pecciò n’e
può acchiappà,
Si l’affierr’e ‘fai stutà,lassì stà,lasse
vulà.Tu te cuoc’,
te fai male,e’cu chi ta ‘vuò piglià?!
Si sapiss’cumm’è bell’a
verè ste lampetelle,ca s’aspecchian’ind a ‘lluocchi,e chi ‘e sape
accarizzà?!
Un ‘e lor’è a stella mia, pecchè quann’è
notte scura,
e stu core s’appaura,pare comm’si a
sentess’ca me rice:
“Aiza a capa, sient’a ‘ddora, guarda
‘ngiel e sta sicur,
tant’i stong’ semb’accà…”…
‘E ‘ffemmene so cumm’e stell.Si te pied,
‘e a ‘uarda..
Salvatore Di Giacomo - Pianefforte 'e notte
Nu pianefforte 'e notte
sona luntanamente,
e 'a museca se sente
pe ll'aria suspirà.
È ll'una: dorme 'o vico
ncopp' a nonna nonna
'e nu mutivo antico
'e tanto tiempo fa.
Dio, quanta stelle 'n cielo!
Che luna! e c'aria doce!
Quanto na della voce
vurria sentì cantà!
Ma sulitario e lento
more 'o mutivo antico;
se fa cchiù cupo 'o vico
dint'a ll'oscurità..
Ll'anema mia surtanto
rummane a sta fenesta.
Aspetta ancora. E resta,
ncantannese, a pensà.
Totò -
Antonio De Curtis -'A livella
Ogn' 'anno, il due novembre, c'è l'usanza
per i defunti andare al Cimitero.
Ognuno ll'adda fa' chesta crianza;
ognuno adda tené chistu penziero.
Ogn' 'anno puntualmente, in questo giorno,
di questa triste e mesta ricorrenza,
anch'io ci vado, e con i fiori adorno
il loculo marmoreo 'e zi' Vicenza
St'anno m'è capitata 'n'avventura . . .
dopo di aver compiuto il triste omaggio
(Madonna!), si ce penzo, che paura!
ma po' facette un ' anema 'e curaggio.
'O fatto è chisto, statemi a sentire:
s'avvicinava ll ' ora d' 'a chiusura:
io, tomo tomo, stavo per uscire
buttando un occhio a qualche sepoltura.
"QUI DORME IN PACE IL NOBILE MARCHESE
SIGNORE DI ROVIGO E DI BELLUNO
ARDIMENTOSO EROE DI MILLE IMPRESE
MORTO L'11 MAGGIO DEL '31. "
'O stemma cu 'a curona 'ncoppa a tutto . . .
. . . sotto 'na croce fatta 'e lampadine;
tre mazze 'e rose cu 'na lista 'e lutto:
cannele, cannelotte e sei lumine.
Proprio azzeccata 'a tomba 'e stu signore
nce steva n ' ata tomba piccerella,
abbandunata, senza manco un fiore;
pe' segno, solamente 'na crucella.
E ncoppa 'a croce appena si liggeva:
"ESPOSITO GENNARO NETTURBINO".
Guardannola, che ppena me faceva
stu muorto senza manco nu lumino!
Questa è la vita! 'Ncapo a me penzavo. . .
chi ha avuto tanto e chi nun ave niente!
Stu povero maronna s ' aspettava
ca pure all ' atu munno era pezzente?
Mentre fantasticavo stu penziero,
s' ' era ggià fatta quase mezanotte,
e i' rummanette ' nchiuso priggiuniero,
muorto 'e paura . . . nnanze 'e cannelotte.
Tutto a 'nu tratto, che veco 'a luntano?
Ddoje ombre avvicenarse 'a parte mia. . .
Penzaje : stu fatto a me mme pare strano. . .
Stongo scetato . . . dormo, o è fantasia?
Ate che' fantasia; era 'o Marchese;
c' ' 'o tubbo, 'a caramella e c' 'o pastrano;
chill ' ato appriesso' a isso un brutto arnese:
tutto fetente e cu 'na scopa mmano.
E chillo certamente è don Gennaro. . .
'o muorto puveriello. . . 'o scupatore.
'Int' a stu fatto i' nun ce veco chiaro:
so' muorte e se retireno a chest'ora?
Putevano stà 'a me quase 'nu palmo,
quando 'o Marchese se fermaje 'e botto,
s ' avota e, tomo tomo. . . calmo calmo,
dicette a don Gennaro: "Giovanotto!
Da voi vorrei saper, vile carogna,
con quale ardire e come avete osato
di farvi seppellir, per mia vergogna,
accanto a me che sono un blasonato?!
La casta e casta e va, si, rispettata,
ma voi perdeste il senso e la misura;
la vostra salma andava, si, inumata;
ma seppellita nella spazzatura!
Ancora oltre sopportar non posso
la vostra vicinanza puzzolente.
Fa d ' uopo, quindi, che cerchiate un fosso
tra i vostri pari, tra la vostra gente".
"Signor Marchese, nun è colpa mia,
i' nun v'avesse fatto chistu tuorto;
mia moglie b stata a ffa' sta fessaria,
i' che putevo fa' si ero muorto'?
Si fosse vivo ve farrie cuntento,
pigliasse 'a casciulella cu 'e qquatt ' osse,
e proprio mo, obbj '.
. . 'nd'a stu mumento
mme ne trasesse dinto a n'ata fossa."
"E cosa aspetti, oh turpe malcreato,
che 1'ira mia raggiunga 1'eccedenza?
Se io non fossi stato un titolato
avrei già
dato piglio alla violenza!"
"Famne vedé. . . -- piglia sta violenza . . .
'A verità, Marché', mme so' scucciato
'e te senti; e si perdo 'a pacienza,
mme scordo ca so' muorto e so' mazzate!
Ma chi te cride d ' essere, nu ddio?
Ccà dinto, 'o vvuò capì, ca simmo eguale?. . .
. . . Morto si' tu e muorto so ' pur ' io;
ognuno comme a 'n'ato è tale e qquale."
"Lurido porco! Come ti permetti
paragonarti a me ch'ebbi natali
illustri, nobilissimi e perfetti,
da fare invidia a Principi Reali?"
"Tu qua' Natale Pasca e Ppifania!!
T' 'o
vvuo' mettere 'ncapo,' int' 'a cervella
che staje malato ancora 'e fantasia?
'A morte 'o ssaje ched'e"?. . é una livella.
'Nu rre, 'nu maggistrato, 'nu grand ' ommo,
trasenno stu canciello ha fatt' 'o punto
c' 'ha perzo tutto, 'a vita e pure 'o nomme:
tu nun t'he fatto ancora chistu cunto?
Perciò, stamme a ssenti, nun fa' 'o restivo,
suppuorteme vicino - che te 'mporta?
Sti ppagliacciate 'e ffanno sulo 'e vive:
nuje simmo serie, appartenimmo â morte!"
Totò -
Antonio De Curtis - 'A Livella - L' ammore
L'ammore è come fosse nu
malanno
ca , all' intrasatta,
schioppa dind ' 'o core
senza n ' avvertimento,
senza affanno,
e te pò ffa ' murì senza
dulore.
Totò -
Antonio De Curtis - 'A Livella - ' A Cunzegna
' A sera quanno ' o sole
se nne trase
e dà 'a cunzegna à luna
p ' 'a nuttata,
lle dice dinto 'a
recchia: << I ' vaco a casa:
t' arraccumanno tutt' 'e
nnamurate>>.
Totò -
Antonio De Curtis - 'A Livella - Ammore perduto
Ammore perduto,
i' t'ero truvato,
nun aggio saputo
tenerte cu mme.
Ammore perduto,
mm ' ha ditto stu core
ca tarde ha saputo
tu ch ' ire pe mme.
Totò -
Antonio De Curtis - 'A Livella - Ricunuscenza
Stanotte 'a dint ' 'o
lietto cu ' nu strillo
aggio miso arrevuoto
tutt ' 'a casa,
mme so' mmiso a zumpà
comme a n ' arillo. . .
e non me faccio
ancora persuaso.
Ma comme , dico io pò ,
cu ' tanta suonne,
i ' mme sò ghiuto a ffà
' o cchiù malamente;
sti suonne songo suonne
ca te pònno
fa ' rummanè stecchito
comme a niente.
I ' steve allerta '
ncoppa a 'na muntagna
tutt' a 'nu tratto sento
'nu lamiento.
'O pizzo addò stev ' i '
era sulagno . . .
Dicette ncapo a me: E
chisto è ' o viento!
Piglio e mme mengo pe' '
nu canalone
e veco sott ' a n '
albero piangente
' nu fuosso chino ' e
prete a cuppulone . . .
e sotto a tutto steva '
nu serpente.
- Aiuto! Aiuto! - ' O
povero aniale
se mettette ' alluccà cu
tutt' 'o sciato!
Appena mme vedette : -
Menu male! . . .
Salvatemi! I ' mo
moro asfessiato! -
- E chi t ' ha cumbinato
'e sta manera? -
ll ' addimannaje mentr '
'o libberavo.
- E ' stato ' nu signore
aieressera -
mme rispunnette, e ggià
se ripigliava.
- Si nun era pe ' vvuje
' , i ' ccà murevo.
facitave abbraccià , mio
salvatore! -
Mme s'arravoglia
attuorno e s ' astrigneva
ca n ' atu ppoco mme
schiattava 'o core.
Lassame - Le dicette - '
O vvi ' ca i ' moro? -
E cjianu chianu mme
mancava 'a forza,
'o core mme sbatteva . .
. ll'uocchie ' a fore,
mentre ' o serpente chiù
strigneva 'a morza!
-Chisto è ' o
ringraziamento ca mme faje?
Chesta è ' a
ricunuscenza ca tu puorte?
A chi t'ha fatto bbene
chesto faje?
. . . Ca si ' cuntento
quanno ' o vide muorto!
- Amico mio, serente i '
songo nato! . . .
. . . Chi nasce serpe è
' nfamo e senza core ! . . .
. . . Perciò t ' aggia
mangià! Ma t ' hè scurdato
. . . ca ll ' ommo ,
spisso , fa cchiù peggio ancora !?
Totò -
Antonio De Curtis - 'A Livella - Felicità
Felicità!
Vurria sapè ched ' è
chesta parola ,
vurria sapè che vvò
significà.
Sarrà gnuranza ' a mia,
mancanza ' e scola,
ma chi ll ' ha ntiso
maje annummenà.
|
Baby
Max
