8 Ottobre
SANTA REPARATA Vergine Martire

Santa in chelu sublimada
Ondra de sos moradores
Ampara sos peccadore
Virgin Santa Reparada.

1- Sa illustre discendenzia
Cun sa cristiana livrea
Ti donesit Cesarea
Cun grande magnificenzia
Sa virtude e eloquenzia
De chelu somministrada,

2 - De piccinnedda minore
Fis perfetta cristiana
Cale pianta soberana
Circundada de primore
Ue s' isposu Signore
Tenet sa duiche morada

3 - In s'orazione continua
In sos digiunos frequente
In s'amore tottu ardente
Cale vulcana divina;
Santa rara e peregrina
In dogni grazia giuntada.

4 - Arrivesit sa visura
A Deciu imperadore
Chi cun fingidu amore
Bos trattesit cun blandura:
Ses cristiana pro avventura
E de sa lee malvada?

5 - Reparata respondiat
So cristiana, e so cattolica
Rinunzio a sa diabolica
Legge de s'idolatria
Po sighire in sa via
De Cristos avventurada.

6- Vidinde s'imperadore
Tale invitta costanzia
Sa fide e perseveranzia
E obbedienzia a su Signore
S'armesit cun furore
Contra sa sant'illustrada.

7 - In presone tra soìdados
Bos faghet depositare
E de pustis azzottare
sos ministros malvados
E in ferros roventados
Sezis de pustis corcada.

8 - Preparan una labia
De piumu e pighe iscazada
Però restat congelada
Senza forza ne balia
Perdida sa bizzarria
Sa forza l'at barattadu.

9- In d'unu forraghe ardente
De vivaces linnas rados
Cantat canzones sagradas
Issa a Jesus alabende:
Tra sas fiammas passigende
Senza restare bruxiada.

10 - Sa testa sacra inclinesit
A su colpu de s'ispada
E de meritu colmada
S'anima a Jesus andesit
Su corpus sacru restesit
Cale perla preziada.

11- Una bianca columba
De su ostru corpus essesit
Cando s'anima partesit
A su chelu rubicunda
Cun umuidade profunda
In terra sezis venerada.

12 - Su corpus sacru interradu
Cun grande magnificenzia,
De Cesarea a Florienzia
Iss' istesit trasportidu
Ue restat veneradu
De gente piùs illustrada.