31 Maggio
SANTA PETRONILLA Vergine


Mistic' arca prodigiosa
De Perdu Apostulu ancilla
Virgo santa Petronilla
De Gesus fidele isposa.



1-In sa cittade pagana
De Roma sezis naschida,
Ma dae Deus proteggida
Bos fetistis cristiana,
In s'edade pius gallana
Fuides sa pompa vanitosa.

2 - In sa fide bos confirmesit
Perdu Apostulu sagradu,
E chie cun coidadu
Su battisimu bos desit,
De su cale meritesit
Narrersi fizza amorosa.

3 - Cun incendiu tant' ardente
Bruxiat de santu amore,
De dare a su Signore
Su samben sou innocente,
Esser gloriosamente
Martirizzacia amorosa.

4 - Pro sa tanta orazione
Deus non permittesit
Cherinde chi abbrazzesit
Santa mortificazione
Paralitica cun passione
Passende vida penosa.

5 - Afflitta pro tanta pena
In vida aspera e dura
Est rassignada e segura
A sa volontade anzena
In cara soave e serena
De dolores vittoriosa.

6 - Bos dat 5' Apostulu santu
De sos males sa libertade
Ma sa cristianidade
Bos illuminat cun ispantu
Nende: su patire tantu
Est corona piùs gloriosa.




7 - Favorida de su Signore
Bos torresit s' infirmidade
Pro essere in tale edade
Purificada cun dolore
Simile a su Redentore,
Sezis martire dolorosa.

8 - Eletta virgine pura
In virtudes peregrina
Rachele pro grazia divina,
De singulare figura
Preservada cun premura
Bos hat Cristos, prodigiosa.

9 - Libera de s' infirmidade
A sa morte de Perdu amadu
Rimpianghinde cuss' istadu
Bos destat a sa piedade;
E cun tanta austeridade
Pro s'anima ostra diciosa.

10 - Unu giovanu paganu
Penzende bos illustrare
Bos cheriat isposare
De piùs gentile, e romani
Ma bois cun trattu uman
Disprezzestis tale cosa.

11-Pro poder sa nega
Liberamente piùs dare
Dimandestis pro salvare
De ogni contagione
E virgine sa persone,
Dilazione misteriosa.

12 - Como chi eternamente
Oosades tant' in su chelu
In su bier senza velu
A Deus Onnipotente
Bos pregamos umilmente
In sa valle dolorosa.